Te fundit
Paralajmërimi i Donald Trump: Nëse humbas zgjedhjet do të ketë "dhunë" dhe trazira sociale
29 Gusht 2018, 17:42Bota
TEMA
Presidenti amerikan, Donald Trump ka paralajmëruar se politikat e tij do të përmbysen “dhunshëm” nëse demokratët do të fitojnë në zgjedhjet kongresionale që mbahen në muajin nëntor në Shtetet e Bashkuara.
Ai u tha krerëve ungjillorë se votimi ishte një “referendum” mbi lirinë e fjalës dhe fesë dhe se këto ishin të kërcënuara nga “njerëz të dhunshëm“.
Trump u bëri thirrje për ndihmë grupeve konservatore të krishtera, duke thënë se ata ishin një votë larg nga “humbja e gjithçkaje“.
Zgjedhjet afatmesme janë parë gjerësisht si një provë e popullaritetit të presidentit.
Trump është përballur me publicitet negativ pasi ish-avokati i tij dhe ish shefi i fushatës janë shpallur fajtorë këtë muaj.
Një regjistrim audio i takimit me dyer të mbyllura i Trump me udhëheqësit ungjillorë në Shtëpinë e Bardhë u publikua në mediat amerikane.
Gjatë takimit, Trump tha se zgjedhjet afatmesme nuk ishin vetëm një referendum mbi të, por edhe “mbi fenë tuaj, është një referendum mbi fjalën e lirë dhe Amendamentin e Parë [që garanton liritë themelore]”.
“Nuk është çështje e pëlqimit ose e pëlqyjes, është një pyetje që ata do të përmbysin gjithçka që kemi bërë dhe ata do ta bëjnë atë me shpejtësi dhe me dhunë. Ka dhunë. Shikoni antifashistët, ata janë njerëz të dhunshëm“, tha ai.
Me termin antifashistë, Trump u është referuar grupeve të së majtës ekstreme, të cilët luftojnë ideologjinë e së djathtës ekstreme dhe përleshen me protestuesit që mbështesin ideologjinë e kundërt, shkruan BBC.
Duke u bërë thirrje udhëheqësve ungjillorë që të përdorin ndikimin e tyre ndaj votuesve, Trump u tha atyre se ata kishin “fuqi të jashtëzakonshme“.
“Ju që jeni në këtë dhomë keni pothuajse 200 milionë njerëz që predikojnë. Pavarësisht se në cilën të dielë po flasim“, tha ai.
Presidenti Donald Trump nuk është i gatshëm për rizgjedhje, por aftësia e tij për të qeverisur në dy vitet e fundit të mandatit të tij do të varet nga rezultati i 6 nëntorit.
435 anëtarë të Dhomës së Përfaqësuesve, 35 vende në Senatin me 100 anëtarë dhe 36 nga 50 guvernatorë shtetërorë, së bashku me shumë zyra shtetërore dhe lokale, janë në zgjedhje.(TemA TV)
1 komente në “Paralajmërimi i Donald Trump: Nëse humbas zgjedhjet do të ketë “dhunë” dhe trazira sociale”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ptuuuu kurve e Putinit.