Te fundit
Ministrja franceze: Brexit nuk mund të kthehet në një ligështim të BE-së
22 Shtator 2018, 16:30Bota
TEMA
Brexit nuk mund të kthehet në një ligështim dhe shpërbërje të Bashkimit Europian, theksoi sot ministrja franceze e Çështjeve Europiane, Nathalie Loiseau.
E pyetur në radion “France Info”, ajo shtoi se “27 vendet e Bashkimit Europian që mbeten janë të bashkuar dhe kërkojnë një marrëveshje të mirë me Britaninë e Madhe, një marrëdhënie në të ardhmen që të jetë e ngushtë por jo dëm të BE-së”.
“Dalja nga BE-ja e vendosur me referendum nga britanikët përbën një zgjedhje që e respektojmë”, vazhdoi ajo.
“Por kjo zgjedhje nuk mund të përkthehet me ligështimin dhe shpërbërjen e Bashkimit Europian”, theksoi diplomatja franceze.
Kryeministrja britanike, Theresa May vlerësoi dje se negociatat mbi Brexit ishin në një ngërç dhe i gjykoi të papranueshme kundërshtimet e propozimeve të saj nga krerët europianë në samitin informal të Salzburgut (Austri).
Lini një Përgjigje
Më të lexuarat
24 oret e fundit
Javen e fundit
Blog Tema
