"Si i trukonte ndeshjes e Vllaznisë, ish-kandidati për deputet i PD-së dhe njeriu i besuar i Voltana Ademit"

Rudi Vata ka denoncuar i pari tentativat e Armir Grimës dhe ish-drejtuesve të Vllaznisë për manipulime ndeshjesh. Gjashtë vite më parë, kur Vata drejtonte skuadrën shkodrane, u largua mes polemikave dhe akuzave, ndaj Grima dhe drejtuesve të klubit në atë periudhë, Kujtim Shaba dhe ishzv.kryetarit të bashkisë, Ritvan Troshani.

Pas arrestimit të Grimës, Vata pranoi të fliste për “Panorama Sport” rreth asaj që dinte për Grimën.

Madje, ish-kapiteni shtoi akuzat, duke përmendur dy ndeshje, që sipas tij ka gisht shkodrani i arrestuar.

“Ky është një lajm i vjetër për mua. Kush tjetër mund të flasë në Shqipëri për këto çështje? Sa kanë mbetur të pastër në futbollin shqiptar?

Dihej pazari dhe ajo se çfarë do të ndodhte.

Po ju them se në vitin 2012, kur drejtoja Vllazninë, Armir Grima dhe Kujtim Shaba, me urdhër të kryetarit të bordit të klubit në atë kohë, Ritvan Troshani, u organizuan për të dëmtuar punën time.

Bëhet fjalë për dy ndeshjet e fundit si trajner i Vllaznisë, kundër Flamurtarit në Shkodër dhe Pogradecit në transfertë”, thotë fillimisht Vata, i cili bën një koment edhe për portierin e arrestuar, Fabiol Rexhepi.

“Ka qenë te Vllaznia si portier i dytë ose i tretë. Di të them që është djalë i mirë dhe i urtë, por i edukuar nga profesor Grima”.

“Në Shkodër kundër Flamurtarit, ku fituam 2-1, ata angazhuan lojtarë të veçantë, në mënyrë që të mos fitohej ajo ndeshje. Por, ndër të paktët lojtarë që nuk kishte informacion për këtë çështje ishte qendërmbrojtësi Ervis Kraja, i cili katër minuta nga fundi shënoi me kokë në mënyrë natyrale. Për këtë ndeshje e kam marrë informacionin kur jam larguar nga Vllaznia pas disa muajsh.

Vetë lojtarët ma kanë konfirmuar. Duke parë që plani A dështoi, ata ‘VIP’-at u angazhuan maksimalisht për ndeshjen e radhës në Pogradec. Ky plani B funksionoi, sepse në bashkëpunim me FSHF-në arritën të sjellin në Pogradec arbitra nga Lezha, të cilët ishin të dirigjuar nga Shaba dhe Grima për të dëmtuar Vllazninë dhe ia dolën. U gëzuan maksimalisht për pabesinë dhe poshtërsinë që kishin bërë, madje u gëzua edhe kryetari bordit, Troshani.

E gjitha kjo u bë në mënyrë që Vllaznia të mos përfundonte kampionatin në vitin 2012 në vendin e katërt, pozicion që të dërgonte në Kupat e Europës. Nëse arrihej ky synim, atëherë do t’u duhej të vazhdonin kontratën me mua si trajner”, tregon ish-trajneri, i cili jep edhe një mesazh për familjen e Grimës.

“Duke qenë prind vetë, më vjen keq për familjen dhe për fëmijët e Grimës, kurse për atë vetë nuk kam ndonjë ndjesi të veçantë, por njoh shumë mirë se si funksionon karakteri te njerëzit dhe vetëm koha e tregon. Pra, për atë që do të bësh në jetë, do të marrësh shpërblimin e merituar”.

Vata rrëfen atë që i ka thënë arbitri i katërt për ndeshjen që akuzon se ia kanë manipuluar Grima & CO. “Kurrë nuk e harroj bisedën me arbitrin e katërt, Pjetrushi, në ndeshjen Pogradeci-Vllaznia 2-1, i cili duke parë pakënaqësitë që unë kisha për arbitrimin, më jep këtë përgjigje: ‘Nuk është faji jonë, sepse ata dy burrat lart na kanë sjellë këtu me këtë mision. Prandaj, kërkoja atyre, jo neve’. Kjo më konfirmoi edhe më tepër atë që kishte ndodhur gjatë ndeshjes”.

PSG nuk dorëzohet, synon të rrëmbejë yllin e Barcelonës në janar

09:10 Sport

SKANDALI: FSHF fsheh gafat e arbitrave në ritransmetimet e ndeshjeve

23:32 Sport

Shtanget Barcelona, Girona i merr pikë në “Camp Nou”

22:51 Sport

Ronaldo vendimtar, Juventusi kryeson i vetëm

22:32 Sport

Kukësi thyen Kamzën, vendos Shameti

20:59 Sport

Atalanta befason Milanin, merr një pikë në "San Siro"

20:12 Sport

Mbyllet pa fitues sfida mes Kastriotit dhe Laçit

17:48 Sport

Pse refuzoi Barçën? Griezmann tregon momentet e vështira gjatë merkatos

16:32 Sport

Skandali, hiqet si i deleguari i Federatës dhe vjedh në dhomat e zhveshjes

15:00 Sport

Napoli mposht Torinon dhe kap Juventusin

14:47 Sport