Te fundit
Pranga në zyrë drejtorit të Hipotekës Shkodër, akuzohet për korrupsion
25 Shtator 2018, 16:53Kronika
TEMA
Policia e Shkodrës pas një urdhëri të prokurorisë ka ndaluar shtetasin Zamir Leka, drejtor i Hipotekës në Shkodër.
Sipas burimeve nga organi i akuzës drejtori Leka është arrestuar teksa ai ndodhej në punë në zyrat e Hipotekës së Shkodrës.
Policia ka shkuar aty duke e prangosur drejtorin dhe duke e shoqëruar në komisariatin e policisë vendore.
Sipas burimeve drejtori Leka ka akuzë për çështje korruptive gjatë kohës që drejtonte Hipotekën e Shkodrës. Zamir Leka u emërua me 18 janar të këtij viti si drejtor i Hipotekës dhe pas 8 muajsh në atë pozicion, policia dhe prokuroria e arrestojnë.
Bashkë me të sipas burimeve është arrestuar edhe shtetasja Frida Mirashi, punonjëse e hipotekës së Shkodrës.
Vetëm pak ditë më parë prokuroria lëshoi urdhër ndalimi edhe për shtetasin Mirjam Bletaj, ish-jurist në hipotekën e Shkodrës gjatë viteve të fundit si dhe shtetasin Sokol Tirana që bashkë me shtetasin tjetër Johan Zefi dyshohen si sekserët që do i merrnin një mijë euro shtetasit Ndoc Taraj, ky i fundit pronar i një objekti që ishte i gatshëm të paguante para për të nxjerrë në mënyrë të përshpejtuar çertefikatën e pronësisë.
Gjykata e Shkodrës i la në “arrest me burg” ish-juristin Mirjam Bletaj dhe dy sekserët e dyshuar Sokol Tirana dhe Johan Zefi ndërsa dha masën e sigurisë “arrest shtëpie” për shtetasin Ndoc Taraj.
Para këtyre arrestimeve në hipotekën e Shkodrës që përfundojnë me ndalimin e drejtorit Zamir Leka, ministrja e drejtësisë Etilda Gjonaj paralajmëroi se shumë shpejt do të niste goditja e rasteve korruptive në hipoteka duke filluar kështu nga Shkodra.
6 komente në “Pranga në zyrë drejtorit të Hipotekës Shkodër, akuzohet për korrupsion”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jo mënyra komuniste me vëllezrit tanë.
Po andej nga Agjencia e Pronave kur do beni ndonje arrestim se ata nuk e cajne trapin fare ta kerkojne 20% pa iu dridhur qerpiku.
Hej, andej ka ALUIZNI do nderhyni pak? Ata jane plehra komplet, jane Dore e ngrohte. E kane nje me emrin Dori aty, qe shkon ne hipoteke dhe ka bashkepunuar me ata te hipotekes, e cila kerkon qindra euro me ta kry punen.
Per Dorin me surrat te zi te Aluiznit Shkoder jam tuj fol.
Shume mire qe goditen keta plehra te korruptuar. Mire do ishte po te arresonit edhe ndonje peshk te madh. Kuptohet po jua mbajti. Problemi eshte se peshqit e medhenj hane cdo dite peshq te vegjel. Ndonje keni filluar ta hani edhe ju. Me keto ritme do mbaroje peshku i vogel e do ngelet vendi thate.
Ka te drejte Thanasi qe ta plasi, andej nga agjencia pronave deri para nje viti te mbahej dosja e pambyllur megjithsese i kishe plotesuar te gjitha dokumentat qe kerkonin, deri sa te jipje 20 % ryfshet qe te procesohet dosja per kompensim financiar; behej hapur fare te lokalet para agjencise, hajt moo ca ti besh keshtu po gatuhet e po behet ky vend; kush vjedh e abuzon nuk i hyn gjemb ne kembe; filloshin njerezit dikur me trike leshi e makine te vjeter ne shtet e sot i ke ne jete luksi per kokerr te qejfit !
Ky eshte vetem fillimi e meritojne shum te tje te perfundojne mbas hekurave