Te fundit
Dhunimi i i vajzës, Balla thirrje publike Bashës: Hiq dorë nga kjo lloj politike e ulët, ke marrë në mbrojtje mikun tënd Emiljano Nuhu. Ndërshkim dhunuesve
29 Shtator 2018, 12:21Politika
TEMA
Taulant Balla i bën thirrje kryedemokratit Lulzim Basha që të distancohet nga ish efektivi i policisë Emiljano Nuhu dhe të heqë dorë nga kjo lloj politike.
“Keqpërdorimi politik nga Lulzim Basha i kesaj ngjarje është i turpshëm, por edhe kriminal në përpjekjen për të
ndryshuar rrethanat dhe për të marrë në mbrojtje mikun e tij Emiljano Nuhu”, deklaron Balla.
Deputeti socialist deklaron se Prokuroria e Krujës vijon hetimet lidhur me kallzimin e shtetases XH.M, hetime të cilat sipas tij duhen kryer me imtësi.
Nëpërmjet një postimi në rrjetin social Facebook, ai thekson se opinioni publik është me të drejtë i tronditur sa herë që raste të tilla dhune ndodhin dhe pret që dhunuesit të ndërshkohet nga drejtësia dhe jo nga politika.
Ndër të tjera ai shkruan:
“Prokuroria e Krujës vijon hetimet lidhur me kallzimin e shtetases XH.M., hetime të cilat duhen kryer me imtësi, intensitet dhe forcën e ligjit kundër kujtdo.
Policia njoftoi gjithashtu se pavarësisht nga fakti që shtetasja e dhunur ka terhequr denoncimin, hetimi ka vazhduar në ngarkim të personit të kallzuar. Madje Policia dhe Prokuroria kanë përcaktuar 11 veprime hetimore, të cilat vijojnë.
Opinioni publik është me të drejtë i tronditur sa herë që raste të tilla dhune ndodhin dhe pret që dhunuesi të ndërshkohet. Por jam i sigurtë që opinioni publik e pret ndërshkimin nga drejtësia, aspak nga politika.
Ka edhe një dhunues tjetër në këtë ngjarje. Është inskenuesi Lulzim. Keqpërdorimi politik nga Lulzim Basha i kesaj ngjarje është i turpshëm, por edhe kriminal në përpjekjen për të ndryshuar rrethanat dhe për të marrë në mbrojtje mikun e tij Emiljano Nuhu.
Policia ndërkohë zbardhi plotësisht “Babale 2”, në përfundim të së cilës kemi këto konkluzione:
1. Miku i Lulzim Bashës Emiljano Nuhu më datë 21/07/2018, pra data e pretenduar, nuk ka qenë fare prezent në ambientet e Stacionit të Policisë Fushë Krujë.
2. Miku i Lulzim Bashës Emiljano Nuhu nuk ka qenë OPGJ i gatshëm në këtë datë, por një tjetër punonjës i Policisë së Shtetit.
3. Miku i Lulzim Bashës Emiljano Nuhu gënjen plotësisht sepse nga intervistat dhe dokumentet si dhe shqyrtimi i pamjeve filmike në dispozicion, nuk rezulton, që personat e përmendur në intervistë, si kërcënues të tij, të kenë qenë prezent në ambientet e Stacionit të Policisë së Shtetit në fushe Krujë, as në këtë datë dhe as në ndonjë datë tjetër të mëvonshme.
4. Miku i Lulzim Bashës Emiljano Nuhu qenka ngarkuar me këtë çështje 6 ditë më pas, më 27 Korrik dhe paska sabotuar me dashje hetimin, duke kryer vetëm 4 nga 11 veprime hetimore të deleguara nga Prokurori i çështjes.
5. Miku i Lulzim Bashës Emiljano Nuhu ka tradhëtuar betimin dhe uniformën, duke dekonspiruar hetimin dhe për pasojë ndërshkimin e personit në hetim. Sepse nga ekzaminimi i pamjeve filmike dhe komunikimeve elektronike, rezulton se ka takuar personin nën hetim në rrethana kompromentuese.
Policia e Shtetit e akuzon mikun e Lulzim Bashës Emiljano Nuhu, se me veprime dhe mosveprime, ka kryer këto vepra penale
1. Shpërdorim detyre.
2. Kalim i paligjshëm i kufirit.
3. Nxjerrje e sekretit hetimor.
4. Shkelja e procedurave të punës në hetimin e çështjeve.
5. Shkelja e rregullave mbi armatimin personal të punonjësit të Policisë së Shtetit.
Zbardhja e “Babale 2” është konfirmim i faktit se vetting-u në Polici është domosdoshëm dhe nuk duhet humbur asnjë sekondë.
Zbardhja e “Babale 2” kërkon që minimalisht Lulzim Basha të distancohet nga miku i tij Emiljano Nuhu dhe PD të heqë dorë nga kjo lloj politike e ulët.
Zbardhja e “Babale 2” kërkon që dënimi penal ndaj tre inskenuesve të këtij episodi të turpshëm Lulzim Basha, Basir Çollaku dhe Emiljano Nuhu duhet të shënojë një pikë kthese historike për mënyrën si politika merr përsipër të ngrejë akuza në të ardhmen”, shkruan Balla. (TemA)
2 komente në “Dhunimi i i vajzës, Balla thirrje publike Bashës: Hiq dorë nga kjo lloj politike e ulët, ke marrë në mbrojtje mikun tënd Emiljano Nuhu. Ndërshkim dhunuesve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“Rilindje”= mashtrim= peversitet= degjenerim = mafie = antishqiptari =Armando Prenga =Tom Doshi = Termet Peçi= Mark
Frroku =Arben Ndoka = Artur Bushi=Elvis Rroshi= Saimir Tahiri =Fidel Ylli =Paulin Ndreu =Artur Bushi =Luan Harusha =Fatmir
Xhafaj= Jurgis Çyrbja = Rrahman Rraja =Gramoz Ruçi =Taulant Balla=Edi Rama =Erion Veliaj..
Po’ pse nuk e arrestoni e kok qepe vetem justifikoheni do te thote qe jeni te pabesushem luli eshte mut po’ te pakten tregoni te verteten