Presidenti i SHBA-ve, Donald Trump tha të premten se ai ka urdhëruar FBI-në të rihapë hetimin e saj ndaj kandidatit për Gjykatën e Lartë, Brett Kavanaugh, lidhur me akuzat për sjellje të pahijshme seksualisht.

Lajmi u bë i ditur nga vetë Trump nëpërmjet një postimi në Twitter, por presidenti i Shteteve të bashkuara theksoi se puna duhet të bëhet në më pak se një javë.

“Unë kam urdhëruar FBI-në të kryejë një hetim plotësues për të përditësuar dosjen e gjyqtarit Kavanaugh. Siç ka kërkuar Senati, ky azhurnim duhet të jetë i kufizuar dhe i përfunduar në më pak se një javë”, tha Trump.

Një komitet i Senatit më parë votoi për të miratuar emërimin e Brett Kavanaugh në gjykatën e lartë të SHBA.

Si rezultat i hetimit, një votim i plotë i Senatit për konfirmimin e gjyqtarit Kavanaugh në krye të gjykatës është vonuar deri në një javë.

Kandidati i Trump për në Gjykatën e Lartë, Brett Kavanaugh gjykatës i gjykatës së apelit, është akuzuar nga dy gra për sjellje të pahijshme seksuale kur ka qenë adoleshent, ndërsa ditën e premte ishte edhe seancën e parë publike gjyqësore në Senatin Amerikan.

Të enjten, komiteti dëgjoi dëshminë nga Christine Blasey Ford, një profesoreshë e psikologjisë në Kaliforni, thotë se gjyqtari Kavanaugh e sulmoi atë seksualisht kur ata ishin adoleshentë në vitet 1980.

Gjyqtari Kavanaugh dëshmoi gjithashtu, duke hedhur poshtë me zemërim pretendimin se ai e kishte sulmuar atë ndonjëherë apo cilëndo tjetër. Më pas ai akuzoi demokratët për politizimin e procesit dhe dëmtimin e familjes së tij për emrin e mirë.

Përkundër urdhërimit të hetimit të FBI, Presidenti Trump ka vazhduar të mbrojë gjykatësin Kavanaugh.

Sipas avokatit të saj, Ford mirëpriti hetimin e FBI, por tha se “nuk duhet të vendosen kufizime artificiale për sa i përket kohës apo fushëveprimit”.

Kavanaugh tha se kishte bërë “gjithçka” që Senati kishte kërkuar prej tij dhe “do të vazhdojë të bashkëpunojë”.

Hetimi do të përfshijë që FBI të rihapte kontrollin e mëparshëm të sfondit mbi gjyqtarin Kavanaugh. Kjo mund të thotë kthim tek dëshmitarët e vjetër ose duke folur me ata të rinj.

Të premten, republikanët në Komitetin Gjyqësor të Senatit hodhën poshtë përpjekjet e demokratëve për të thirrur Mark Judge, një mik i gjyqtarit Kavanaugh, për të cilin Ford tha se ishte dëshmitar të sulmit ndaj saj 36 vjet më parë.

Shoqata e avokatëve amerikanë, e cila më parë i dha Kavanaugh vlerësimin e saj më të lartë të “kualifikuar mirë”, kërkoi nga komiteti i gjyqësorit të Senatit dhe Senati i plotë që të vononin votimin derisa FBI të bënte një kontroll të plotë sfondi.(TemA TV)