Te fundit
Kovaç, i tronditur nga rënia e Bayernit: Askush nuk e priste këtë
3 Tetor 2018, 10:31Sport
TEMA
Niko Kovaç tha se “ndoshta gjithçka u mor lehtë” nga Bayern Munich, paraprakisht, teksa gjigandi gjerman nuk shkoi më larg se barazimi 1-1 kundër Ajax, në ndeshjen e dytë të fazës së grupeve në Ligën e Kampionëve.
Goli i hershëm i Mats Hummels u barazua nga Noussair Mazraoui.
Bavarezët e Bundesligës tani kanë regjistruar tri ndeshje pa fitore në të gjitha garat, pas startit të sezonit me shtatë fitore të njëpasnjëshme.
“Askush nuk e priste këtë, por ky është futbolli. Kur rrëzohesh, ju gjithmonë keni mundësi të ngriheni, – tha trajneri Kovaç për “Sky Germany”, referuar situatës jopozitive të Bayernit.
– Ndoshta gjithçka u mor lehtë nga ana jonë, por tani duhet të përveshim mëngët.
E dimë se nuk kemi fituar tri ndeshje dhe duhet të përqendrohemi përsëri në gjërat thelbësore.
Kjo nuk është ajo, që unë imagjinoja personalisht.
Tani duhet të tregojmë me shpejtësi fytyrën e vërtetë, që na ka bërë kaq të mirë në shtatë ndeshjet e para.
Ndaj Ajax nuk ishte një lojë e mirë nga ana jonë.
Luajtëm shumë mirë në 15 minutat e para, pastaj treguam pakujdesi.
Fituam shumë pak duele, çdo top i dytë ishte në favor të kundërshtarit”.
Lini një Përgjigje
Më të lexuarat
24 oret e fundit
Javen e fundit
Blog Tema
