Te fundit
Shoferi i furgonit dhunon nxënësin, reagon Ministria e Brendshme: Siguria e fëmijëve qëndron mbi gjithçka, zero tolerancë ndaj çdo abuzimi
6 Tetor 2018, 16:35Kronika
TEMA
Një shofer furgoni që transportonte nxënës shkolle, ka dhunuar njërin prej fëmijëve në qytetin e Dibrës.
Akti i rëndë është filmuar nga vet nxënësit, të cilët pas ngjarjes e kanë denoncuar dhunuesin në polici.
Ministria e Brendshme ka reaguar menjëherë për ngjarjen përmes zv.ministres së Brendshme Romina Kuko.
Ajo siguroi se tashmë personi që shkaktoi incidentin ndodhet në komisariatin e Dibrës, ndërsa hetimet po vijojnë.
“Ministria e Brendshme është sinjalizuar nga Ministria e Arsimit lidhur me një incident të ndodhur në furgonin, i cili transportonte nxënës në Dibër.
Ministria e Brendshme i ka kërkuar menjëherë Policisë të veprojë.
Policia ka identifikuar autorin, i cili aktualisht mbahet në ambientet e Komisariatit të Dibrës për të kryer veprimet e para procedurale.
Pas përfundimit të këtyre veprimeve, Policia e Shtetit do të dalë në një deklaratë të detajuar sqaruese për ngjarjen. Ministria e Brendshme nxit Policinë e Shtetit të kryejë të gjitha veprimet ashtu siç e ngarkon ligji.
Siguria e qytetarëve vjen e para. Siguria e fëmijëve vjen qëndron mbi gjithçka.
Çdo abuzim ndaj tyre do të ndëshkohet me zero tolerancë. Nxisim gjithashtu qytetaret te denoncojne çdo shkelje ne numrin 112 dhe ne Komisariatin Dixhital. Sheh diçka thuaj diçka!”, tha Kuko.(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
