Te fundit
FOTOT: Hedhin topin brenda ambjenteve të burgut, ja çfarë gjen brenda policia
12 Tetor 2018, 14:05Kronika
TEMA
Policia ka zbuluar një mënyrë që përdorinin të burgosurit për të futur objekte të ndaluara në ambientet e burgu të Lezhës.
Gjatë orës së ajrimit të të burgosurve është hedhur nga jashtë një top futbolli i fryrë me stemën e Realit. Topi është konstatuar nga punonjësit e shërbimit të cilët e kanë bllokuar menjëherë.
Brenda topit janë gjetur tre celularë, dy Iphone dhe një Samsung, bashkë me karikuesit dhe dy karta celulari të pahapura.
Janë bërë verifikimet e nevojshme dhe janë kontrolluar kamerat e sigurisë.
Drejtoria e Shërbimit të Kontrollit të Brendshëm të Burgjeve po kryen hetimet për rastin në fjalë, për të identifikuar përgjegjësit. Muajt e fundit Ministria e Drejtësisë ka njoftuar një sërë masash për rritjen e sigurisë së brendshme në burgje.
Ndërkohe që Drejtoria e Përgjithshme e Burgjeve dhe Shërbimi i Kontrollit të Brendshëm kanë nisur prej disa javësh kontrollet blic në të gjitha burgjet e vendit, me qëllim parandalimin e hyrjes së mjeteve dhe sendeve të kundraligjshme në ambientet e brendshme të IEPV-ve.
Në aksionin e zhvilluar në rang vendi pak javë më parë u sekuestruan 17 telefona celular, 6 karta sim dhe 9 aksesorë të tjerë telefonash celularë;135 doza lëndë narkotike e dyshuar kanabis sativa; 27 mjete prerëse të improvizuara nga të burgosurit.
1 komente në “FOTOT: Hedhin topin brenda ambjenteve të burgut, ja çfarë gjen brenda policia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Stil i njohur ne Burgjet greke, mesa duket te interesuarit kane qene neketo burgje.