Te fundit
Tifozët kuqezi shpërthejnë ndaj FSHF-së për 'Sulejmanov'
17 Tetor 2018, 15:38Sport
TEMA
Kombëtarja U-21 e drejtuar nga Alban Bushi është ndalur në barazim 2-2 ndaj Estonisë në stadiumin “Parnu Rannastaadion”.
Ndeshje e vlefshme për fazën eliminatore të Evropianit U-21. Kuqezinjtë e Bushit kanë marrë avantazhin të parët me golin e Taulant Seferit në minutën e 12-të të takimit.
Livak barazoi shifrat në minutën e 32-të duke e mbyllur pjesën e parë 1-1. Në fraksionin e dytë përsëri Seferi dyfishon rezultati, duke kaluar skuadrën në epërsi por nuk ka vonuar goli i barazimit nga Kussk në minutën e 87-të.
Me këtë barazim Shpresat shkuan në kuotën e shtatë pikëve, të renditur në vendin e parafundit, pesë më shumë se Estonia që është e fundit në tabelë.
Spania kryeson renditjen në Grupin B më 27 pikë, e ndjekur pas nga Irlanda e Veriut më 20 pikë, Sllovakia më 18 dhe Islanda më 11.
Mirëpo, ajo çfarë bie në sy pas gjithë kësaj ndeshje është postimi i bërë në faqen zyrtare të FSHF-së në rrjeti social “Facebook”.
Karshi fotos ku shihet ekipi titullar i Bushit në takimin e djeshëm është vendosur edhe rezultati i takimit dhe emri i golashënuesit, Taulant Sulejmanov.
Një postim që ka shkaktuar tension dhe polemika te tifozët, të cilët kanë reaguar ashpër ndaj ‘adminit’ të faqes së Federatës.
Lini një Përgjigje
Më të lexuarat
24 oret e fundit
Javen e fundit
Blog Tema
