“KLD i jep 2 vjet leje prindërore Gjin Gjonit”, ministrja zbulon vendimin: Është pranuar dhe miratuar në mënyrë të paligjshme

Ministrja e Drejtësisë Etilda Gjonaj doli në një deklaratë për median për të denoncuar një vendim që KLD ka marrë në fshehtësi për gjyqtarin dhe anëtarin e këtij institucioni Gjin Gjoni.

Zonja Etilda Gjoni thotë se kërkesa “për leje prindërore për një periudhë 2-vjeçare” për Gjin Gjonin është pranuar në mënyrë haptazi të paligjshme.

Ministrja theksoi se KLD ka miratuar një vendim jashtë rendit të ditës dhe te panjoftuar më parë, duke i dhënë leje prindërore në mënyrë të fshehtë gjyqtarit Gjin Gjoni, me argumentin se është bërë baba dhe i duhet të udhëtojë drejt Gjermanisë atje ku jeton bashkëshortja e tij.

Deklarata e plotë

Në datën 11.10.2018 është thirrur një mbledhje e jashtëzakonshme të KLD me qëllim komandimin e një gjyqtari në pozicionin e kryetarit të Gjykatës së Apelit Korçë, për shkak të shkarkimit nga detyra të Kryetares aktuale me vendim të KPK me datë 10.10.2018.

Në rendin e ditës, që u njoftua vetëm disa orë përpara mbledhjes, në të cilën për shkak të harkut të shkurtër kohor të njoftimit, e bëri të pamundur pjesëmarrjen time në mbledhje si Ministre Drejtësie, ishin përcaktuar dy çështjet për të cilat do të merrej vendim: komandimin e një kryetari të ri për Gjykatën e Apelit Korçë dhe delegimin e disa gjyqtarëve sipas kërkesave të gjykatave të ndryshme.

Pas zbardhjes së procesverbalit të mbledhjes të datës 11.102018, vihem në dijeni se gjatë mbledhjes, në rendin e ditës është shtuar dhe një çështje e pa njoftuar më parë, lidhur me një kërkesë të gjyqtarit Gjin Gjoni “për leje prindërore për një periudhë 2-vjeçare”.

Kjo kërkesë e pranuar në mënyrë haptazi të paligjshme është miratuar me votim nga anëtarët prezent të KLD-së, çka e bën shumicën e këtij institucioni edhe njëherë tjetër autore të një vendimmarrje haptazi të paligjshme.

Duke përfshirë në rendin e ditës, në fund të mbledhjes shqyrtimin e kërkesës së gjyqtarit Gjin Gjoni dhe duke vendosur miratimin e saj, me argumentin se është bërë me vajzë dhe do t’i duhet të bëjë shpesh vizita/udhëtime në shtetin gjerman, ku jeton familja e tij, KLD-ja është riafirmuar si mishërim i drejtësisë së vjetër klienteliste e të korruptuar.

Këto veprime të anëtarëve të KLD-së janë në shkelje të rëndë të rregullave procedurale të parashikuara nga legjislacioni në fuqi. Ky akt administrativ i KLD-së si një akt i ndërmarrë në procedurë të parregullt, është për rrjedhojë absolutisht i pavlefshëm.

Bazuar në legjislacionin në fuqi si dhe në praktikën e KLD, çdo kërkesë për përfshirjen e çështjeve shtesë në rendin e ditës, bëhet prezente, shqyrtohet dhe më pas votohet përpara se KLD-ja të nisë shqyrtimin e pikave të rendit të paracaktuar. Në këtë mbledhje që është një “déjà vu” e turpshme, kërkesa në fjalë është shqyrtuar në mënyrë të paligjshme në fund të mbledhjes.

Për më tepër, bazuar në parashikimet ligjore, KLD mund të marrë në shqyrtim dhe të vendosë për çështje që nuk janë përfshirë në rendin e ditës, vetëm me votat e 2/3 të të gjithë anëtarëve. Në kundërshtim të hapur me këtë dispozitë dhe parashikimet ligjore të Kodit të Procedurave administrative, në mungesë të kuorumit të nevojshëm, madje duke përfshirë dhe votën e vetë Gjin Gjonit, i cili ka votuar për veten si kurrë më parë në historinë e saj, KLD-ja i ka shkuar deri në fund një paligjshmërie të këtyre përmasave.

Edhe më keq, vendimi haptazi i paligjshëm i KLD-së konstatohet dhe gjatë mbledhjes, pasi ai nuk i është nënshtruar sipas detyrimit ligjor, asnjë diskutimi lidhur me përmbushjen e kritereve ligjore, proceduriale dhe përmbajtësore, për pranimin e kërkesës.

KLD-ja në njoftimin që ka bërë për mbledhjen, ka botuar në faqen e saj vetëm dy vendimet që lidhen me komandimin e kryetares dhe delegimin e gjyqtarëve, duke mbajtur të fshehtë vendimin e marrë për gjyqtarin Gjin Gjoni, në një kohë që procesverbali i publikuar e tregon fare qartë vendimmarrjen e miratimit të “lejes prindërore”.

Eshtë e qartë se nuk është objekti i kërkesës, po vetëm Vetingu i padëshiruar, që e ka çuar anetarin e vetë KLD deri në këtë absurd!

Nisur nga përgjegjësia ime si Ministre e Drejtësisë dhe njëkohësisht si anëtare e KLD-së, do t’i drejtohem zyrtarisht këtij institucioni që të shfuqizojë, si absolutisht të pavlefshëm këtë vendimmarrje të marrë në shkelje të rëndë e flagrante të ligjit.

Në të kundërt, kërkesa do t’i drejtohet gjykatës për të anulluar këtë akt haptazi të paligjshëm si dhe Komisionit të Vetingut me një kërkesë publike për largimin nga gjyqësori të të gjithë atyre, që kanë ngritur dorën kundër ligjit.

KLD duhet të ndalë njëherë e mirë vendimmarrjet e paligjshme e cila bie ndesh me parimet e shtetit te se drejtes, legjislacionin ne fuqi dhe interesin e qytetareve. (TemA)

Tre deputetë të tjerë, PD e PS, do të përfshihen në hetimet për Babalen e Toyota Yaris

12:30 Kronika

“Jemi të shokuar, kujt i shkonte në mendje për laborator droge", flasin banorët në Has

11:55 Kronika

VIDEO: Shiste mina me telekomandë, arrestohet 28 vjeçari (emri)

11:18 Kronika

“Fol pak me Salën, bjeri pak dhe fol pak me të”: Po sikur Arkimed Lushaj, ta ketë për Sali Berishën në përgjimet e Prokurorisë?!

10:17 Kronika

Tjetërsuan 68 mijë metra katrorë në Kurbin, autorët e pronari në pranga

09:28 Kronika

PERGJIMET e reja për Stresin: Shefi ma bëri me dorë të arratisesha. Ndihmomë, se kërkimi do lekë (Sali Lushaj ndërhyn t'i fshihen gjurmët nga pistoleta e sekuestruar)

17:50 Kronika

Vettingu e shkarkoi nga detyra, KPA regjistron ankimimin e ish "krahut të djathtë" të Adriatik Lallës

15:39 Kronika

INVESTIGIMI/ U inaugurua nga Rama me polifoni, por rruga e Lumit të Vlorës nisi si “ndërtim i paligjshëm”

14:28 Kronika

Zbardhen përgjimet, Stresi i kërkoi ndihmë Bajrave: Më ndihmoni të iki jashtë, po më kërkon policia

14:25 Kronika

DETAJET: Zbulimi i laboratorit për prodhimin e heroinës në Has, ja aksioni i policisë në veri të vendit

13:18 Kronika