Te fundit
Ronaldo nuk mjafton, Genoa ndal Juve-n në “Allianz”
20 Tetor 2018, 20:07Sport
TEMA
Juventus ndalet në javën e 9-të të Serie A. Genoa ka ndalur hovin e tetë fitoreve radhazi të Zonjës së Vjetër në barazimin 1-1 në Allianz Stadium.
Me këtë barazim, Juve shkon në kuotën e 25 pikëve, dhe tani Napoli, Inter dhe Lazio kanë mundësi të përfitojnë duke iu afruar kampionëve.
Juve e nisi mirë ndeshjen dhe ishte Ronaldo ai që tronditi shtyllën në minutën e 14’ pas një goditjeje me kokë. Vetëm katër minuta më pas sulmuesi portugez gjen golin e avantazhit.
CR7 me nuhatje dhe me pak fat ka shtyrë topin në rrjetë. Juve vazhdon të insistojë për golin e dytë, por pa sukses.
Pas pushimit Genoa, një nga aksionet e rrallë, arrin të barazojë rezultatin.
Në minutën e 67’ Daniele Bessa ka bëjë të heshtë Allianz Stadium me golin e tij nga pranë portës që mundi portierin Szczesny.
Juventus e kishte ulur disi ritmin pas pushimit dhe nuk e kërkoi golin me aq insistim si në të parën.
Minutat kalojnë dhe lojtarët e Juve-s nuk kanë vendosmërinë e duhur për të rikthyer avantazhin. Genoa mbrohet mirë dhe merr nje pike te rendesishme nga kjo transferte.
Lini një Përgjigje
Më të lexuarat
24 oret e fundit
Javen e fundit
Blog Tema
