Te fundit
SKEMA: Si ndërvepronin 4 grupet kriminale në Shqipëri
22 Tetor 2018, 18:51Politika
TEMA
27 të arrestuarit dhe disa të tjerë të shpallur në kërkim janë pjesë e katër grupeve kriminale që vepronin në 12 qytete të vendit nga veriu në jug.
Hetimet e Prokurorisë të nisura prej 2016-tës, kanë zbuluar se të 4 grupet ndërvepronin me njeri – tjetrin edhe punonin të pavarur.
Fillimisht u zbulua një grup që operonte në prodhimin dhe trafikun e heroinës në zonën e Shijakut.
Ky grup dyshohet se me ndihmën e një biznesmeni me banim në Tiranë, kishte ngritur laboratorin e heroinës që u zbulua në fshatin Brenog të Hasit, ku u gjetën 182.5 kilogramë morfinë.
Në Has u arrestuan 5 persona, ndërsa u shpallën në kërkim 2 shtetas turq, 1 shqiptar nga Kosova dhe biznesmeni banues në Tiranë.
Burime nga policia bëjnë me dije se për llogari të këtij grupi, droga transportohej drejt plazhit të Semanit në Fier dhe të Shëngjinit në Lezhë, për t’u trafikuar drejt vendeve të Bashkimit Europian.
Në të dy qytetet u goditën dy grupe të tjera.
Grupi i katërt vepronte në Delvinë e Sarandë, ku u arrestua Petro Kuçi, i afërm i Klemend Balilit dhe disa persona të tjerë, por operacioni mësohet se nuk ka pasur në fokus vetë Balilin.
Në Sarandë, në Tiranë dhe në Lushnje u arrestuan edhe 3 punonjës policie që bashkëpunonin me këto grupe kriminale.
“Në kuadër të këtij mega operacioni, ku u goditën këto 4 grupe kriminale, është zbuluar edhe implikimi i 3 punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale: Ardit Gjyriqi nga Tirana, Jasin Abdul nga Saranda dhe Bledar Koçi nga Lushnja”.
Ishin përgjimet për drogën që zbuluan përfshirjen në veprimtari kriminale të dy ish – deputetëve të Partisë Socialiste, edhe ata të arrestuar.
Burime nga grupi hetimor bëjnë me dije se Arben Çuko, ish –drejtor i bugjeve, për llogari të grupit të Shijakut ka kryer transferimin e një të dënuari nga një burg në një burg tjetër.
Ndërsa ish – deputeti Arben Ndoka ka dalë në përgjimet duke biseduar po me anetarë të këtij grupi për përvetësimin me anë të falsifikimit të dokumenteve të disa pronave në Lezhë. Mes të arrestuarve është edhe vëllai dhe nipërit e tij, të dyshuar se trafikonin heroinë nëpërmjet portit të Shëngjinit.
Policia mësohet se ka kryer kontrolle në 100 banesa, përfshirë në shtëpinë e Lulzim Berishës, pas dyshimeve se mund të fshihej drogë, por nuk ka pasur urdhër-arresti për të.
Uniformat blu kanë siguruar informacion se Berisha ishte larguar 2 javë më parë jashtë vendit përmes aeroportit të Prishtinës, por kishte dyshime se ai bashkëpunonte me grupet kriminale për trafikun e heroinës.
Operacioni është koduar me emrin VOL-VO 4, për shkak se anëtarët e një grupi lëviznin me mjete tip Volvo. Dyshohet se në këtë aktivitet ka edhe persona të tjerë të përfshirë, të cilët mësohet se janë nën hetim.
8 komente në “SKEMA: Si ndërvepronin 4 grupet kriminale në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Isha prezent ne nje nga keta qe u deklarua ” ne kerkim”.
Policia u fut ” shume qete” ne oborrin e shtepise…dhe pasi kaluan 10-15 minuta u fut ne shtepine qe pretendonin te kapnin ate personin.
Policet ishin pa maska dhe jo ata te fnsh(?).
Spiun nuk jam e as me vete ne mendje te behem,por ato qe pashe me syte e mi po them.Personin nuk e njoh e as nuk di se çfare ka bere.Do interesohem dhe nqs ka vrare kot,nqs i ka rene ne qafe njerzve per tangelkek…valli ia vlen ne denoncim ne tv( me ato qe pashe,as ne prokurori e as ne polici)
Mbase keshtu duhej bere…mbase keshtu ishin ujdisur gjerat,por e kuptova shume mire se ” ky” personi qe duhej kapur…s’duhej kapur.
Prandaj edhe e ke emrin “Anonim” se ti skishe bere ndonjehere nga ato… anonimet
PO ty o Anonim çfare te shpuri atje ku policia hyri e ti paske qene ne mes te tyre? Apo je nga ata te tipit Zagani apo Nuhu? Pergjigju qen i ndyre se ne biçak do shkosh dhe ti, mos kujto se do marresh azil si Babalja! U terbuat fare e koken tuaj do hani.
GRUPI KRIMINAL DHE SHTEPIA E DROGES ,ESHTE KAPUR DHE KETE HERE NGA GJERMANET ???????,???? SA PER PROKURORINE E SHTETIT TE LESHIT , NUK DO KAPEJ KURREEEEE . ?
Lajme nga kozmosi o Kozmo. Ju flet bytha para gojes. Nihilizem primitiv.
Mbeshtetje policise dhe prokurorise. Nese provohet se ish.dr i burgjeve te Shqiperise ka konsumuar veprat penale qe akuzohet, me siguri duhet t’i jepet maksimumi i denimeve me burgim, por edhe me denim plotesues. Denimi te jete “shembullor”. Cfare do te kerkonte te arrinte me shume nje njeri krejt i zakonshem ne jete?! E bejne Deputet, Drejtor te Pergjithshem te Burgjeve, perfitime te tjera…Dhe i ben m… gjithe sakrificave, mundit, punes se policit, prokurorit, gjyqtarit, gjithe vartesve ne burgje, Shqiperise, por edhe familjes, shoqerise! Me ndieni per keto fjale.
CA po behet keshtu,,,,,eshte mbytur shqiperia dhe Tirana me droge,,, a kane femije keta qe shperndajne droge ,zoti ju vrafte ishallah ,,,I them policise te beje kontrolle ne tirane se po na helmojne e mbytin femijet me droge,,,,,kontrolloni lokalet dhe diskot se aty shperndahet droga per femijet nga bodigardet e diskove..//
Lejeni mjegullen e grupeve kriminale te droges pasi te zgjidhni problemin ultrakriminal anti-shqiptar te financimit te Kishes se Janullatosit te politikaneve dhe gazetareve anti-shqiptare. Ky eshte problemi kardinal i Shqiperise per momentin.
Shpresoj te ma botoni, o Mero!