Te fundit
BE vijon apelin, Soreca në takim me Kodhelin: Studentët të zgjedhin përfaqësi për dialog
19 Dhjetor 2018, 20:42Politika
TEMA
Kryetarja e Komisionit për Politikën e Jashtme, Mimi Kodheli priti sot në një takim në selinë e Kuvendit të Shqipërisë, shefin e Delegacionit Europian në Shqipëri, ambasadorin Luigi Soreca, ku u diskutua edhe mbi zgjidhjen optimale ndaj kërkesave të studentëve.
“Çështjet e edukimit nuk janë kompetencë e BE, për këtë arsye ne pritëm disi gjatë për të reaguar”, u shpreh ambasadori Soreca.
Më tej, Shefi i delegacionit të BE-së argumentoi se mbështetja shkon për studentët, ndërsa vlerësoi edhe gatishmërinë e qeverisë për dialog.
“Jemi të mendimit se nga njëra anë të gjithë janë në mbështetje të studentëve dhe nga ana tjetër, qeveria është e gatshme për të bashkëbiseduar. Në këto kushte nevojitet që studentët të zgjedhin një përfaqësi e cila mund të dialogojë.
Ne jemi impresionuar nga zhvillimi i qytetëruar, jo i dhunshëm dhe i painstrumentalizuar i protestës.
Sfida e tyre tashmë është që të organizohen që të mund të marrin edhe mbështetjen e forcave të tjera të shoqërisë civile kombëtare dhe europiane, sikurse është shoqata e Studentëve Europianë e cila është solidarizuar me studentët shqiptarë”, – tha ai.
Gjatë takimit, ambasadori theksoi se të gjithë janë të interesuar për një zgjidhje, ndërkohë që Shqipëria nuk duhet të largojë sipas tij, vëmendjen ndaj përmbushjes së detyrave që duhen kryer për hapjen e negociatave me BE-në.
“Ne të gjithë jemi të interesuar për një zgjidhje të kësaj çështje, por ndërkohë është e domosdoshme të mos largohet për asnjë çast vëmendja nga përmbushja e detyrave që duhen kryer për hapjen e negociatave me BE-në.
Interesi dhe përpjekjet tona të përbashkëta duhet të bëjnë të mundur që Shqipëria të paraqitet sa më mirë në takimin historik të radhës, i cili është vendimtar jo vetëm për të ardhmen e Shqipërisë në BE, por edhe për rolin dhe vendin e saj gjeostrategjik në rajon.
Vendimi i qershorit është treni që nuk duhet humbur sepse nuk dihet nëse dhe kur do të kalojë përsëri.
Kjo është një përgjegjësi e përbashkët për të gjithë spektrin politik shqiptar”, u shpreh shefi i Delegacionit Europian në Shqipëri.
5 komente në “BE vijon apelin, Soreca në takim me Kodhelin: Studentët të zgjedhin përfaqësi për dialog”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ORE SORREECA PASKE MARRE EDHE ZARFIN SI PARAENDSJA VLLAHUTIN .NUK SHEH SE QE KUR KE ARDHUR POTHUAJSE NUK KE PASUR FARE KONTAKTE ME PD .MEGJITHATE TI VAZHDON HAVAZIN TENDE TE K O N S E S U SIT.BJERI MANDOLINES SE I BIE BUKUR.
Kjo doktor me plagjiatur kot flet per edukim…Di ma shume per butikat luksi neper evrope se sa per studentet e Shqiperise neper evrope. Sicili ka prioritete e veta ne jete,po kjo kur nuk mundet me na perfasuar si komb.
Sapo per shoqatate evropiane,ato nuk u mobilizuan nga ju po nga studentete e evropes ,qe dine cka eshte solidariteti kurse ju e keni harruar.
Kjo doktor me plagjiatur kot flet per edukim…Di ma shume per butikat luksi neper evrope se sa per studentet e Shqiperise neper evrope. Sicili ka prioritete e veta ne jete,po kjo kur nuk mundet me na perfasuar si komb.
Sapo per shoqatate evropiane,ato nuk u mobilizuan nga ju po nga studentete e evropes ,qe dine cka eshte solidariteti kurse ju e keni harruar.
Eshte shume cudi se si kjo zyre kur nuk hapi syte per problemet e studenteve ketu! Japin disa bursa, si favore per bijte e politikaneve edhe i rahatojne neper organizatat e evropes bijte e ketyre horrave te politikes sone. Po per studentet e thejt asgje.
Studentet thone s’ka dialog pa mbushur 8 pikat.
Ky therret per dialog si kryeministri jone…
Po kur ishin me popullin shqiptar keta t’evropes?