Te fundit
Një tjetër largim nga Pentagoni, dorëhiqet admirali Kevin Sweeney
6 Janar 2019, 14:50Bota
TEMA
Shefi i personelit të Departamentit të Mbrojtjes të Shteteve të Bashkuara të Amerikës, Kevin Sweeney, ka dhënë dorëheqje, një muaj pasi Sekretari i Mbrojtjes James Mattis njoftoi dorëheqjen e tij..
Admirali Sweeney tha në një deklaratë se “është koha e duhur për t’u kthyer në sektorin privat”.
Pentagoni konfirmoi largimin e Sweeney nga institucioni, por në njoftim nuk zbuluan detajet e largimit të tij.
Sweeney si shef i kabinetit në Pentagon vitin e kaluar u emërua nga sekretari i atëhershëm i Mbrojtjes, James Mattis.
Duke braktisur një nga pozitat kyçe në Pentagon, Sweeney paralajmëroi kalimin në sektorin privat.
Ai tani është zyrtari i tretë i Pentagonit që ka njoftuar dorëheqjen e tij që kur presidenti Donald Trump njoftoi se forcat amerikane do të largoheshin nga Siria.
Zyrtarët kanë thënë se nuk ka datë fikse se kur do të largohen trupat.
Adm Sweeney mbajti postin e tij për dy vjet nga janari 2017.
Largimi i tij shton një ndjenjë të pasigurisë që rrethon mbrojtjen e administratës Trump dhe politikat e jashtme që nga shpallja e befasishme e tërheqjes së paplanifikuar nga Siria, thonë analistët.
Të martën, Sekretari i Shtetit, Mike Pompeo do të nisë një turne në Lindjen e Mesme, i projektuar për të siguruar aleatët në rajon.
Javën e kaluar, edhe zëdhënësja e Pentagonit, Dana White, po ashtu dha dorëheqjen kundër të cilës u ngrit procedurë disiplinore për shkak të akuzave për marrëdhënie të papërshtatshme me disa zyrtarë të caktuar të Pentagonit, për të kryer punë personale.(TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
