Te fundit
Mbyllet stacioni i trenit në Durrës, për një muaj zhvendoset në Shkozet
13 Janar 2019, 18:49Sociale
TEMA
Është mbyllur përkohësisht stacioni hekurudhor i udhëtarëve në Durrës.
Punimet për ndërtimin e rrjetit të kanalizimeve të ujërave të zeza e atyre të larta nga shëtitorja bregdetare “Taulantia” deri në impiantin e përpunimit në Shënavlash aktualisht janë përqendruar në stacionin e trenit, i cili për një periudhë një mujore, që nga kjo fundjavë, do të jetë jashtë funksionit.
Deri në përfundim të tyre, Drejtoria e Përgjithshme e Hekurudhave Shqiptare ka vendosur që të gjitha nisjet dhe mbërritjet e trenave të udhëtarëve të zhvendosen në stacionin e vogël hekurudhor të Shkozetit.
Burime nga kjo drejtori bënë të ditur për TCH se nuk do të ketë ndryshim në oraret e lëvizjes së trenave në drejtim të Elbasanit, Fierit, Shkodrës dhe Kasharit, ndërsa është vënë në dispozicion të udhëtarëve një furgon që mundëson lëvizjen e tyre nga Durrësi në drejtim të stacionit të Shkozetit dhe kthim.
Ndërkohë punimet që po kryhen janë pjesë e një investimi me vlerë 4.2 milion euro, kredi e Bankës Botërore, që pritet t’i japë zgjidhje përfundimtare dy problematikave mjaft të mprehta në qytetin bregdetar të Durrësit: derdhjes në det të ujërave të zeza te shëtitorja bregdetare dhe përmbytjeve që shkaktohen në rrugën “Skënderbej” dhe afër stacionit të trenit pas çdo rrebeshi shiu në qytet.
2 komente në “Mbyllet stacioni i trenit në Durrës, për një muaj zhvendoset në Shkozet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pasagjeret e trenit i nxeka nje furgon. Lum ne per rilindasit me kastratin superfuqi
Nje furgon shkon te mbushi trenin me pasagjere??? O sa kom qesh.