Te fundit
Shpenzime luksi me paratë e taksapaguesve, burg për Renzo Bossin dhe politikanen që organizonte festat e shfrenuara të Berluskonit
18 Janar 2019, 19:24Politika
TEMA
Renzo Bossi është një prej 52 të pandehurve që u dënuan me burg për shpërdorimin e fondeve rajonale në Itali. I njohur me nofkën Trota (trofta), Renzo Bossi nuk është emër i panjohur edhe në Shqipëri.
Emri i tij u lakua në media pak vite më parë, kur u zbulua se ai ishte diplomuar në një universitet privat në Tiranë, pa shkelur kurrë në vendin tonë.
Gjykata e Milanos dha dënimin me 2 vjet e gjysmë burg për Bossin, ish-këshilltar rajonal nga radhët e partisë Lega e Mateo Salvinit. Kjo e fundit, e cila e ka ndryshuar emrin nga Lega Nord në Lega, është themeluar nga i ati, Umberto Bossi.
Një tjetër emër i njohur në Itali u dënua me 1 vit e 8 muaj burg. Nicole Minetti, e cila ka mbajtur të njëjtën detyrë, u dënua për të njëjtën akuzë.
Edhe emri i Minettit është lakuar në lajmet e skandaleve të vilës Arcore të ish-kryeministrit Silvio Berluskoni. Minetti njihej si “menaxherja” e festave të shfrenuara të Berluscon-it. Ish-higjieniste dentare, ajo i ngjiti shkallët e karrierës në mënyrë shumë të shpejtë në partinë e kavalierit, Forza Italia, disa vite më parë.
Bossi dhe Minetti janë vetëm dy nga 52 të pandehur për të cilët u dhanë dënime të ndryshme me burg në kuadër të procesit “Rimborsopoli”. Rajoni i Lombardisë, për të cilin ata kanë shërbyer si këshilltarë, u ka kërkuar dëmshpërblim në masën 3 milionë e 400 mijë euro.
Kjo shumë është vetëm gjysma e dëmit që 52 të dënuarit i kanë shkaktuar qeverisjes lokale, nëpërmjet skemave të rimbursimit të shpenzimeve të tyre dhe mashtrimit.
Abuzimet financiare janë qesharake. Në shumë raste, ata i kanë rimbursuar vetes edhe shpenzimet e ushqimeve, duke i rritur fiktivisht çmimet.
P.sh, vetë Bossi rezulton se ka rimbursuar nga fondet rajonale edhe pijet Red Bull që konsumonte, një tjetër ka rimbursuar “Nutella”-n, dikush saçmet që përdorte për gjueti në kohën e lirë, ndërsa Minetti ka rimbursuar blerjen e disa kopjeve të librit “Mignottokrazia” (Putanokracia). (TemA TV)
5 komente në “Shpenzime luksi me paratë e taksapaguesve, burg për Renzo Bossin dhe politikanen që organizonte festat e shfrenuara të Berluskonit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne Itali ka mafje te fuqishme por ka edhe shtet qe vepron . Ketu te ne mafja dhe shteti jane bere nje , prandaj ketu nuk denohet as nje tatimor apo doganier i thjeshte pale te denohen politikane te rendesishem . Shumat e shperdoruara nga keta 52 italianet jane qesharake krahasuar me tenderat qe vjedh Ramqeni me nje te rene te lapsit.Dhe shqiptaret rine e veshtrojne.
Nuk ka si femrat italiane
japin shpirt mbi Cazzo .Loool !
Ca burgu thoni more,ne Itali jane 3 shkalle gjykimi kto deri ke e 3 do marin vetem arrest shtepiak.Italia eshte si ne kush ka pushtet nuk shkon kurre ne burg
Ja pra qe sindromi “Grida Duma” eshte i perhapur edhe ne Evrope. Mos e beni kaq tragjike per PD-ne.
pirdh o duno pirdh! te pakten edi rama po ben dicka per shqiperine, ndersa idhulli jot Sali ram kadriu na ka bere te flasim me vete edhe per 50 vitet qe do vijne.