Te fundit
Kupa Shqipërisë, Skënderbeu dhe Partizani e nisin bindshëm sezonin e ri
22 Janar 2019, 16:12Sport
TEMA
Skënderbeu dhe Partizani e kanë nisur me fitore bindëse vitin 2019, duke bërë paraqitje mjaft të mira në ndeshjet e Kupës së Shqipërisë.
Korçarët triumfuan me rezultatin e ngushtë 1-2 në sfidën e zhvilluar në transfertë kundër skuadrës së Beslidhjes.
Me këtë sukses bardhekuqtë hedhin një hap të sigurtë drejt kualifikimin për në fazën e çerekfinaleve pasi sfida e rradhës do të zhvillohet në stadiumin Skënderbeu.
Golat për skuadrën e drejtuar nga trajneri Orges Shehi, u shënuan nga ana e Oto John dhe Gripshit, kurse golin e vetëm për lezhjanët e shënoi Camara .
Ndërkohë, në ndeshjen tjetër të zhvilluar në Fushë-Krujë mes Kastriotit dhe Partizani pati një “lum” golash, por në fund triumfues dolën “demat e kuq”.
15-herë kampionët e vendit triumfuan me rezultatin 2-4 duke bërë një 90 minutësh mjaft pozitiv, edhe pse gjëndja e fushës ishte katastrofike.
Golat për ekipin e Skënder Gegës u shënaun nga ana e Rubin Hebajt që shënoi një dopietë, Trashit dhe Mensah, ndërsa për Katriotin shënuan Vatnikaj dhe Shehu.
Edhe të kuqtë pas kësaj fitoreje janë me një këmbë në fazën çerekfinale. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
