Te fundit
"Bashkimi i Mitrovicës proces i pandalshëm", Lista Serbe kundërshton deklaratat e Thaçit
23 Janar 2019, 10:39Rajoni
TEMA
Deklarata e presidentit, Hashim Thaçi se bashkimi i Mitrovicës është proces i pandalshëm, ka ngjallur reagimin e kryetarit të Listës Serbe, Goran Rakiç i cili e quajti këtë deklaratë si sulmin më të ri ndaj paqës në Kosovë, raporton rel.
Rakiç, përmes një deklarate, thotë se në emër të popullit serb e porositë Thaçin, se serbët kurrë nuk do të lejojnë bashkimin e jugut dhe veriut të Mitrovicës, pasi siç thotë, kjo do të ishte një “parakusht për pastrim etnik nga qyteti i vetëm në të cilin serbët i shpëtuan pastrimit etnik në vitin 1999”.
Ai thotë se serbët janë gjithnjë e më të përkushtuar ndaj paqes, bashkëjetesës me të gjithë dhe se këtë e kanë dëshmuar duke ruajtur karakterin shumë etnik të qytetit në të cilin bashkë me serbët jetojnë boshnjakët, shqiptarët, romët, goranët, turqit dhe egjiptianët.
“Me punë dhe jo me fjalë kemi treguar se si duhet të respektohet diversiteti, por deklaratat që bëhen nga Thaçi, po përpiqen ta trembin popullin serb në këtë rajon dhe të njëjtat i kundërshtojmë me neveri” thekson në deklaratë, kreu i Listës Serbe Goran Rakiq, partisë më të madhe të serbëve të Kosovës.
Presidenti i Kosovës, Hashim Thaçi, ka thënë se bashkimi i qytetit të Mitrovicës, është proces i pandalshëm. Ai të marten, priti kryetarin e komunës së Mitrovicës së Jugut, Agim Bahtiti, i cili ia dorëzoi Thaçit një peticion me rreth 17 mijë nënshkrime të qytetarëve që kërkojnë bashkimin e qytetit të Mitrovicës.
Presidenti Thaçi përmes një postimi në Facebook, ka thënë se për bashkimin e qytetit të Mitrovicës tani e kanë radhën të veprojnë institucionet: Qeveria, Kuvendi dhe Presidenca.
1 komente në ““Bashkimi i Mitrovicës proces i pandalshëm”, Lista Serbe kundërshton deklaratat e Thaçit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thaci nuk do ta bashkoje Mitrovicen, prandaj ju o “vellezer” serbe mos u trembni shume. Thaci punon per ju, ai do ta ndaje qytetin ne se e lejojne shqiptaret. Thaci eshte 100% I juaj, me veprime, me qellimedhe ne gen/gjak. Ai asksidentali eshte president I shqiptareve. Ju keni ne Kosove nje Vucic te dyte, por me “emer shqiptar” (lexo emer turk).