Protesta e opozitës, Policia: Synohet hyrja me forcë në Parlament, do t’i përgjigjemi me forcën e ligjit çdo akti dhune

Policia e Shtetit bën me dije se ka infromacione se në protestën e nesërme të organizuar nga opozita ka të dhëna për nxitje të dhunës dhe organizime me natyrë kriminale.

Më tej policia bën me dije se synohet hyrja me forcë në Parlament, duke ushtruar dhunë mbi personelin që ka detyrimin ligjor të sigurojë mbrojtjen e institucionit themelor të demokracisë.

“Policia e Shtetit në zbatim të ligjit “Për tubimet”, si dhe në mbështetje të së drejtës së organizmit të tubimeve paqësore të qytetarëve, ka marrë të gjitha masat për mbarëvajtjen e protestës së njoftuar nga subjektet politike të opozitës, për datën 21 shkurt 2019.

Policia e Shtetit është tërësisht e angazhuar për të garantuar rendin dhe sigurinë publike, si edhe paprekshmërinë e institucioneve gjatë kohës së zhvillimit të protestës.

Nga informacionet e mbledhura nga shërbimet përkatëse, ka të dhëna për nxitje të dhunës dhe organizime me natyrë kriminale. Synohet hyrja me forcë në sallën e Parlamentit, duke ushtruar dhunë mbi personelin që ka detyrimin ligjor të sigurojë mbrojtjen e institucionit themelor të demokracisë.

Për të parandaluar çdo mundësi të tillë, Policia e Shtetit, u bën apel në radhë në radhë të parë organizatorëve që të distancohen hapur nga dhuna dhe të bëjnë thirrje për respektimin e ligjit nga çdo protestues. Po ashtu Policia e Shtetit u bën apel të gjithë atyre që duan të ushtrojnë nesër lirinë e tubimit dhe të drejtën e protestës, që të mos përfshihen në asnjë rast e për asnjë arsye në veprime të dënueshme ligjërisht.

Policia e Shtetit e siguron opinionin publik, se forcat e rendit dhe sigurisë janë të gatshme t’i përgjigjen me forcën e ligjit dhe në proporcionalitet të plotë, çdo veprimi të paligjshëm apo akti dhune. Po ashtu, janë marrë të gjitha masat për identifikimin dhe skedimin e çdo individi që do të evidentohet si shkelës i ligjit, si edhe për ndalimin e për nxjerrjen e çdo shkelësi përpara drejtësisë.

Policia e Shtetit kërkon mirëkuptimin dhe bashkëpunimin e qytetarëve, për bllokimin e disa rrugëve që lidhen me vendin ku do zhvillohet protesta, si dhe për kontrollet e shtuara përgjatë akseve rrugore kombëtare, që ajo është e detyruar të zhvillojë, në interes të sigurisë së qytetarëve dhe të vetë protestës.

Ftohen të gjithë qytetarët që kanë informacione me rëndësi, të kontaktojnë në anonimat në numrin e telefonit pa pagesë 112, ose në Komisariatin Dixhital!”– thuhet në deklaratën e Policisë. (TemA)

U pyet në Prokurori për abuzimin me tenderat, Ylli Manjani: Nuk kam asnjë barrë të jap shpjegime publike për këtë gjë

16:08 Kronika

Skandali me tenderat, Tit Vasili “bën të fortin”, nuk paraqitet në Prokurori

15:03 Kronika

Skandali me tenderat, merret në pyetje Ylli Manjani. Prokuroria pritet të marrë edhe dëshminë e Petrit Vasilit dhe Gazmend Bardhit

14:28 Kronika

Partneriteti për Migracionin në Rrugën e Mëndafshit, Lleshaj në Stamboll: Hapa konkrete për të parandaluar migrimin e parregullt

14:25 Kronika

Drejtuesja e Krimeve të Rënda, Donika Prela konkurron për pjesë të SPAK

13:48 Kronika

Kontrolli në Portin e Durrësit dhe lirimi nga qelia i Gjinarait, ja masat që mori Ministria e Drejtësisë

13:21 Kronika

Përkujtohet 7-vjetori i rënies së kapitenit Feti Vogli, nderohet edhe në Kabul. Xhaçka: Përkulem para veprës së tij sublime

11:33 Kronika

Kolegji i Apelimit vendos mos-hapjen e hetimeve ndaj Antoneta Sevdarit

20:48 Kronika

Drejtori i ri i burgjeve në krye të detyrës/ Kapen 20 celularë në burgun e Fierit

16:46 Kronika

VIDEO: Flamur Noka paditet penalisht, pasi goditi oficerin e policisë brenda në Komisariat

17:21 Kronika