Si u fsheh Mullah Omari për 3 vjet nën “hundën” e amerikanëve

Pasi ngriti një “mbretëri” që sundoi me terror në vitet 1996-2001, Mullah Omari u strehua për 3 vjet me radhë vetëm 3 km nga baza amerikane, ku ishin stacionuar rreth 1 mijë ushtarë, përfshirë edhe ata të forcave speciale që po e kërkonin në të gjithë vendin dhe në Pakistan.

Historia e shefit të talebanëve, që shihte vetëm nga njëri sy dhe që vdiq në vitin 2013 për shkak të një sëmundjeje, tregohet në një libër të shkruar nga gazetarja holandeze, Bette Dam, në bashkëpunim me amerikanen Jessica Donati. “Searching for an enemy” (Në kërkim të armikut) është titulli i librit që bazohet në rrëfimin e Jabbar Omarit, truproja e kapos së talebanëve.

Në bazë të dëshmive dhe të dhënave të mbledhura, Mullah Omari, menjëherë pas ndërhyrjes amerikanë në Afganistan, që erdhi pas sulmit ndaj Kullave Binjake në vitin 2011, u largua nga Kabuli dhe u fsheh në një ndërtesë të vogël në Qalat, kryeqyendër e provincës Zabul. Në vitin 2004, vetëm 3 km nga vendi ku ai ishte fshehur, amerikanët nisën të ndërtonin bazën Lagman.

I fshehur pas një grumbulli drurësh

Kreu i talebanëve nuk e zbuloi kurrë identitetin e tij ndaj familjes që e strehoi atë. Patrullat amerikane në dy raste i shkuan shumë afër. Në njërin rast, Mullah Omar dhe truproja Omari ishin në oborr, “dhe u fshehën  pas një grumbulli drush zjarri”, por ushtarët kaluan aty pranë pa i hedhur sytë. Kreu i talebantëve bënte kujdes dhe i shmangte vizitat familjare. Ai mbante një ditar “në një gjuhë imagjinare”. Ai i dëgjonte lajmet e BBC-së në gjuhën pashto, më e përhapura në Afganistan, dhe pikërisht nga radioja e mësoi vdekjen e Osama bin Ladenit, më 2 maj 2001.

Një jetë heremiti

Megjithatë, ai shmangte komentet mbi lajmet nga bota dhe bënte një jetë heremiti, deri kur vdiq në vitin 2013. Një ngjarje që talebanët e mbajtën të fshehur për më shumë se një vit, deri në zgjedhjen e pasardhësit të tij. Në librin e saj, Dam konfirmon vdekjen e Mullah Omarit nga sëmundja në vitin 2013, por fakti që ai ka jetuar për vite me radhë në pak distancë nga trupat amerikane është një goditje për inteligjencën amerikane.

Ky fakt është gjithashtu një pikë në favor të Pakistanit, i cili gjithmonë ka mohuar se ka strehuar terroristë dhe mbi të gjitha që udhëheqja talebane, e ka selinë qendrore në krahinën pakistaneze të Balochistanit. 

La Stampa- TemA TV  

Shfaqet në politikë një tjetër Obama: Ja afrikani që synon të bëhet kryebashkiaku i parë në Turqi

17:30 Bota

Stërvitje e përbashkët ushtarake e katër vendeve të Evropës Qendrore

16:21 Bota

Vetbesimi në punë: Ja si ndikon tek gjykimi mbi performancën tuaj

15:45 Bota

Gjenden dy kutitë e zeza të avionit të rrëzuar mbi Etiopi

15:33 Bota

Drejtësia arbitrare në Turqi: Kur edhe bletët shndërrohen në «dëshmitare»

15:27 Bota

BE: "Topi" është në fushën e britanikëve për çështjen Brexit

15:03 Bota

Sërish telashe për Thereza May: Konservatorët i kërkojnë të anulojë votimin e planit të daljes nga BE

13:41 Bota

Xhakomo Kazanova, u arratis nga burgu i Venecias i ndihmuar nga një gondola

13:37 Bota

Armëpushim dhe marrëveshje paqeje, Gjermania i përmbahet përgjegjësisë në Afganistan

13:32 Bota

Tensionet në rritje/ Korea e Jugut monitoron Veriun në rast lëshimi raketash

13:27 Bota