Te fundit
Kalimi i tokës bujqësore: Bie kriteri i vendbanimit, përjashtohen ato ku ka investime strategjike
19 Mars 2019, 12:51Ekonomia
TEMA
Në fillim të muajit prill pritet që të hyjnë në fuqi ndryshimet e bëra në ligjin “Për përfundimin e procedurave ligjore të kalimit të tokës bujqësore të ish-ndërmarrjeve bujqësore në pronësi të përfituesve”, i ndryshuar.
Tashmë i publikuar në Fletoren Zyrtare, ligji me ndryshimet e bëra së fundmi rrëzon kriterin e vendbanimit të detyrueshëm të atyre që kanë përfituar tokën bujqësore, çka do të thotë që ata jo domosdoshmërisht duhet të jenë ende banorë të së njëjtës njësi vendore.
Kështu, në nenin 2 të ligjit, qeveria ka shfuqizuar pikën “ii” e cila theksonte se ligji zbatohet për subjektet që përmbushin disa kushte mes të cilave “në datën e hyrjes në fuqi të këtij ligji të jenë banorë të njësisë së qeverisjes vendore dhe prej datës 1.10.1992 nuk kanë ndryshuar vendbanimin e tyre sipas regjistrit të gjendjes civile.
Nga ana tjetër, ligji shton kategoritë e atyre që përfitojnë përmes dy pikave të reja. Ky ligj do të zbatohet për “familjet bujqësore ose individët, të cilët përmbushin kushtin e parë duke qenë punonjës të ish-ndërmarrjes bujqësore më 1.8.1991, gjendja civile e të cilëve u është transferuar në fshatin ku gjendet toka objekt i kalimit në pronësi, pas datës 1.8.1991, por të mos kenë përfituar tokë bujqësore në përdorim apo pronësi, në fshatin ku kanë pasur gjendjen civile më 1.8.1991. po kështu edhe kushtin e dytë që e përdorin tokën për veprimtari bujqësore por kanë mungesa në plotësimin e dokumentacionit të përdorimit apo pronësisë.
Përfitues sipas pikës së katërt që shtohet në nenin 2 janë familjet bujqësore ose individët, të cilët përmbushin kushtet si më poshtë: i) nuk kanë qenë punonjës të ish-ndërmarrjeve bujqësore, por kanë qenë banorë të fshatit ku gjendet toka bujqësore, objekt i kalimit të pronësisë, sipas regjistrit të gjendjes civile më 1.8.1991, por të mos kenë përfituar më parë tokë bujqësore në përdorim apo pronësi; ii) e përdorin tokën për veprimtari bujqësore por kanë mungesa në plotësimin e dokumentacionit të përdorimit apo pronësisë.”
I njëjti ligj ka përfshirë edhe kategoritë e pronave që përjashtohen nga procesi i kalimit të titujve duke shtuar se nuk do të vijohet me këtë pjesë për ato prona që janë objekt i investimeve strategjike sipas ligjeve në fuqi.
Sipas ligjit, afati për përfundimin e procedurave të kalimit të tokës bujqësore të ish-ndërmarrjeve bujqësore në pronësi të përfituesve mbyllet në datën 31 dhjetor 2019.(monitor)
2 komente në “Kalimi i tokës bujqësore: Bie kriteri i vendbanimit, përjashtohen ato ku ka investime strategjike”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kte e paskan bere fiks per Samir Manen dhe mbrojtjen e vjedhjeve te tokave ne palase… shtet tepsi!!
Po ci kini keto more te pa cipe ..!Toka i perket atij qe e punon , pamvaresisht se ku ndodhet , atij qe “ju lerua nenocka ” ne fshatin e pluhurit e te baltes . Kur ai mplaket e nuk e punon dot , detyrimisht do ta shesie , do ta marre ai qe mundet ta punoje . Por ne kushtet qe ka katandisur fshati , pra ne skllaveri te vertete , vetem Skraparllinjte e e fshatit te Ilir Metes mund ta blene , me parate e fituara me menyren qe ata e dine vete , por qe dhe faktet e vertetojne se ata jane perhapur kudo , vecanerisht ne Berat e ne fushen e Korces. Perderisa Iliri nuk i integroj ne Europe per gati tridhjet vjet “perpjekje “, ju dha mundesine te jene ” zogj ” te lire ne shqiperi , te ngrene folene e tyre ku te duan ..! .. Por jo tu bien ne qafe “sklleverve ” te 1-3 dynymshit per fryme ..!