Te fundit
Sherr për një femër, shqiptari plagoset me kaçavidë në Itali në përplasje me rivalin në dashuri
25 Mars 2019, 10:03Kronika
TEMA
Një krim për shkak të pasionit që ka përfunduar me plagosjen e një shqiptari 50 vjeçar ka ndodhur pasditen e djeshme në komunën e Pratola Peligna në Itali.
Autori është një tjetër shqiptar 48-vjeçar, i cili ka përdorur një kaçavidë për të sulmuar rivalin e tij në dashuri, siç shkruajnë mediat italiane.
Ngjarja ndodhi rreth orës 17:00 të së dielës kur 48-vjeçari një kontraktor ndërtimi, me origjinë shqiptare, u takua me bashkatdhetarin pranë ish Kinema D’Andrea.
Mes të dyve pati fillimisht një sherr e më pas 48-vjeçari raportohet ta ketë qëlluar me kaçavidë në kokë.
Pas ngjarjes, 48-vjeçari është larguar, ndërsa i plagosuri që thuhet se ka humbur shumë gjak nga plaga që iu shkaktua në kokë, u ndihmua nga kalimtarë të rastit, që e dërguan në spital.
Policia e ka identifikuar autorin dhe e ka shpallur atë në kërkim. Ndërkaq hetimet vijojnë për të zbardhur më shumë detaje nga ngjarja.
Lini një Përgjigje
Më të lexuarat
24 oret e fundit
Javen e fundit
Blog Tema
