Te fundit
Super-grabitja në Rinas, Sandër Lleshaj: Masa të forta ligjore ndaj koncensionarit. Kompania kineze ka dështuar, s'ka funksionuar mekanizmi i sigurisë
10 Prill 2019, 15:08Kronika
TEMA
Ministri Sandër Lleshaj ka dalë në një konferencë për shtyp ku ka komentuar super-grabitjen e Rinasit.
Ai shprehet se nuk ka funksionuar mekanizmi i sigurisë së koncesionarit në aeroport.
Lleshaj siguron se po vijojnë hetimet me intesitet të lartë për kapjen e autorëve.
“Në lidhje me ngjarjen e ndodhur dje në Rinas, nuk ka funksionuar sistemi i sigurisë së koncesionarit. Kompania kineze e sigurisë ka dështuar në misionin e saj.
Nuk është sinjalizuar policia për rastin, edhe pse duhej bërë.
Koncesionari nuk ka vepruar siç duhet, duke mos njoftuar policinë. Por policia ka vepruar me vendosmëri duke kryer misionin e saj. Forcat policore kanë vepruar në vend dhe më tej dhe sot kemi prova materiale të rëndësishme.
Grupi hetimor ka prova me rëndësi për ngjarjen. Do të merren masa për të ruajtur sigurinë kombëtare”, tha Lleshaj.
Deklarata e plotë
Ngjarja e ndodhur dje, më datë 09.04.2019, gjatë të cilës u cenua rëndë siguria e Aeroportit të Rinasit, u grabit një sasi vlerash monetare dhe u vu në rrezik serioz jeta e forcave të rendit, po hetohet me intensitet të lartë nga Prokuroria dhe Policia e Shtetit.
Nga analiza e deritanishme, rezulton se nuk kanë funksionuar aspak mekanizmat e sigurisë që janë nën përgjegjësinë e kompanisë koncensionare të aeroportit.
Kompania kineze që ka koncesionin e aeroportit të Rinasit ka dështuar të përmbushë përgjegjësitë e saj për garantimin e parametrave të sigurisë fizike.
Koncesionari dhe kontraktori i zgjedhur prej tij, që përgjigjet për sigurinë fizike të Aeroportit, nuk kanë arritur të zbatojnë standardet e detyrueshme të sigurisë, që përcaktohen nga legjislacioni vendas dhe nga Organizata Botërore e Aviacionit Civil (ICAO), megjithëse vetëm për llogari të sigurisë kanë arkëtuar rregullisht dhe pa ndërprerje 3 euro për çdo pasagjer që ka dalë nga ky aeroport.
Do të kishte mjaftuar edhe vetëm një pjesë e këtyre parave të përvitshme, që pasagjerët paguajnë ekskluzivisht për sigurinë, për ta garantuar në mënyrë të shumëfishtë perimetrin e jashtëm të Aeroportit, i cili dje jo vetëm që është hapur për disa sekonda, por, për më keq, Koncesionari dhe Kontraktori i tij për sigurinë nuk kanë arritur madje as të sinjalizojnë policinë për këtë thyerje të patolerueshme të sigurisë.
Koncesionari jo vetëm që ka refuzuar zbatimin e kërkesave të shumta dhe të herëpashershme të Policisë së Shtetit për marrjen e masave në drejtim të sigurisë fizike, por në shumë raste as nuk ka denjuar të kthejë qoftë edhe përgjigjet formale për korrespondencën përsëritur zyrtare.
Të nisur nga incidenti i rëndë i ditës së djeshme dhe në vlerësim të të gjithë marrëdhënies së vështirë me shoqërinë Koncesionare, që është zhvilluar pas ngjarjes së datës 30.06.2016, kur siguria e Aeroportit u cenua në mënyrë të ngjashme me ditën e djeshme, Autoritetet shtetërore shqiptare do të marrin masa ligjore të shpejta dhe të forta për të garantuar pa asnjë mëdyshje të gjitha parametrat dhe standardet e nevojshme të sigurisë në Aeroportin e Rinasit.
Siguria e jetës, ajo e pronës dhe siguria kombëtare prevalojnë mbi të gjitha interesat e tjerë. Të gjitha masat që do të merren do të jenë plotësisht në funksion të garantimit të sigurisë kombëtare, të jetës e të pronës.
Me masat e reja që do të merren do të garantohet një nivel sigurie i ri, shumë herë më i lartë dhe në përputhje të plotë me standardet më të mira ndërkombëtare.
Sa i përket dinamikës së ngjarjes më duhet të them se reagimi i shpejtë, profesional, i përpjesshëm dhe i vendosur i Policisë së Shtetit ka sjellë si rezultat që autorët e këtij sulmi të rëndë të lënë në dorë të ekipeve të hetimit prova të shumta materiale, të cilat po i nënshtrohen procedurave përkatëse.
Falë këtij reagimi të shpejtë dhe të fortë të Policisë së Shtetit, besohet se banda kriminale, e cila ka arritur që edhe më parë të godasë transportin e vlerave monetare, drejt Rinasit apo në institucione të tjera bankare të vendit, pas humbjes së djeshme të kreut të saj, ka marrë një goditje shkatërruese, e cila po thellohet nga ora në orë, falë punës plot përkushtim që po bëhet nga Prokuroria dhe Policia e Shtetit.
Shkatërrimi i këtij grupi shumë të rrezikshëm kriminal është një sinjal tjetër i rëndësishëm ndaj botës së krimit të organizuar në tërësi. Policia e Shtetit dhe gjitha organet ligj zbatuese të vendit janë të angazhuara, të gatshme, të përgatitura dhe shumë të motivuara për të neutralizuar çdo tentativë kriminale që cenon sigurinë e jetës apo të pronës.
Më lejoni që falënderoj bashkëpunimin e shumë qytetarëve, të cilët dëshmojnë kështu nivelin e lartë të përgjegjësisë civile si dhe mbështetjen që i japin sigurisë së tyre përmes besimit tek Policia e Shtetit.
Në të njëjtën kohë dua të shpreh keqardhjen e thellë për segmente të caktuara të politikës destruktive, që edhe në momentet kur Policia e Shtetit ishte në zhvillim të një përpjekjeje të rrezikshme dhe të armatosur me grupin kriminal, nxituan të rreshtohen kundër saj, të akuzojnë në mënyrë të përçartur dhe krejt të pabazuar atë, si dhe të përhapnin tymin e të pavërtetës, në një kohë kur pritej përkrahja e çdo qytetari apo grupi politik që ndjen përgjegjësinë normale ndaj sigurisë dhe rendit publik të Shqipërisë.
Së fundmi, siguroj qytetarët dhe gjithë operatorët që përdorin Aeroportin e Rinasit që me masat emergjente të marra dhe të tjera që janë në proces, siguria në këtë Aeroport është plotësisht e garantuar.
Faleminderit! (TemA)
8 komente në “Super-grabitja në Rinas, Sandër Lleshaj: Masa të forta ligjore ndaj koncensionarit. Kompania kineze ka dështuar, s’ka funksionuar mekanizmi i sigurisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I pari qe ka deshtuar eshte Ministri Leshi qe nen hunden e tij ndodhi grabitja e shtetit nga shteti.
O sandri, po sikur te ishte zv asistent sekretari i shtetit te usa aty dhe grabitesit te mos ishin grabites por terroriste, (se ne piken qe hyne ata perseri sdo kishte police por “kinez” e ta kishin hedhur ne ere avionin, do kishe shans tja veje fajin kinezit ti?
Po po Sander, vazhdo prape me tepelenasit ti ne krye te çdo strukture te Pilicise se Shtetit se e ke suksesin si ai i djeshmi te garantuar.
O z. MINISTER, ne cdo vend te botes aeroportet mbikqyren 24 ore nga policia e shtetit dhe me se armatosur, madje dhe rruget qe te cojne ne aeroport kalojne ne kontroll. Ketu eshte rrumpalle. Kush do parkon dhe futet neper lokalet aty jashte…
Lokalet brenda mjaftojne. Jashte nuk mund te lejohet as lokali dhe as parkingu qe eshte ngjitur me hyrjen dhe as ato karakatinat rreth sheshit nene tereza
Skenderbeu vetem gruan mori nga jugu kurse ne komande KURRE nuk vuri asnje TOSKE!
policia beri detyren e saj dhe e tregoi n menyr perfekte q ata jan t gatshem percdo gje kinezet deshtuan ne siguri s esht faji i qeveris
policia q duam
Keshtu eshte kur bahcen ta ruan bota. I zoti e nxjerr gomarin nga balta… ..jo bota!!!
Me fal zoti minister se si njeri mund te jesh shume i mire por si polic e aq me shume shefi i tyre nuk e ben dot se nuk ke koncepte te qarta per armen e policise dhe njekohesisht konsultohesh e mer urdhera nga nje njeri tjeter qe eshte elifimatrak ne kete drejtim. Besoj se eshte e qarte per ke eshte fjala, ai vetem gallata di te beje e i qan zemra ta kete mire me Lulin e Saliun. E si mund te luftosh krimin kur vdes per ta patur mire me ata qe e drejtojne krimin. Halabaket dhe kriminelat e Saliut gjuajne policine me cfare te kene ne dore, ndersa ju me ideatorin tuaj i lini policet ne meshiren e ketyre krimineleve. Ja ketu do te jemi kur ata kriminele qe ju vdisni per ta patur mire me ta, me 13 Prill t’ju marin zvarre ju me policine dhe gallataxhiun tuaj.