“Menaxherët” e Bashës që nxorën PD dhe opozitën jashtë sistemit

Lulzim Basha në tërë artikulimin e tij politik ka treguar se nuk dëshiron përplasjet e mëdha dhe as dhunën ndaj institucioneve apo në tërësi.

Eshtë një zbatues i mirë urdhërash siç ka qënë më 21 janar 2011 para kryeministrisë, kur përcolli urdhërin sipas zinxhirit të komandimit dhe u vranë 4 demonstrues të opozitës, por si “violinë” e parë në aspektin e dhunës, stonon.

Madje dhe kur tenton ndonjëherë të “trashë” zërin, ai do ti shuhet fare, ndërkohë që kërcënimet e tij dhe shfaqjen para mediave si i “fortë” askush nuk e beson dhe më shumë se sa ndjenja e frikës është një burim i pashtershëm barcaletash dhe humori.

Askush nuk e besonte se Lulzim Basha do të merrte vendimin drastik për djegien e mandateve të deputetit dhe daljen e PD dhe të opozitës jashtë sistemit politik.

Por dhe ashpërsimin e gjuhës ndaj ndërkombëtarëve, deri më tani të justifikuar me faktin se nuk e ka situatën nën kontroll brenda PD dhe për këtë arësye do të jetë i detyruar të bëjë dhe deklarata të forta jashtë formatit të tij, për të treguar forcë dhe potencë tek vartësit.

Por ja që Basha dogji mandatet, nxori PD jashtë sistemit dhe me sa duket është tepër i papërgatitur për atë që ndodhi në këtë parti, pasi lista e kandidatëve që kanë zënë “radhën” para KQZ për të marrë një mandat deputeti, është zgjatur shumë.

Por nga ana tjetër, nuk ndodhi sikurse e kishin këshilluar, që “Rama nuk duron goditje dhe do të lëshojë pe, duke u ulur në tryezë”.

Përkundazi, me një shpejtësi rrufeje u bë tërë procedura e djegies së mandateve në Kuvend dhe zëvendësimit të tyre me listën e të dy partive PD e LSI.

Për të parë se çfarë e detyroi Bashën të ndërmarrë një vendim kaq ekstrem, duhet të shohim kush komandon realisht në PD dhe cilët janë këshilltarët e liderit të PD në këtë vendim radikal, i pangjarë në asnjë vend të botës dhe i dënuar dhe nga ndërkombëtarët.

Një ndër aktorët kryesorë që jo vetëm e këshillon por dhe e urdhëron Bashën në PD është ish kryeministri dhe ish kreu i PD, Sali Berisha.

Për arësye tërësisht perosnale, dhe tashmë në perëndim të jetës së tij politike, lideri historik i demokratëve krijoi një linjë të fortë paralele brenda PD duke ushtruar presion mbi Bashën, herë përmes mediave afër tij e herë drejtëpërdrejt përmes deklaratave se me Ramën kryeministër nuk fitoihen zgjedhjet, për të ndërmarrë veprimin ekstrem të djegies së mandateve.

Në të njejtën linjë me Berishën ishin dhe disa analistët afër opozitës dhe të tjerë që kërkojnë vetëm përplasje të fortë politike, pasi mbijetesa nëpër këto ujëra garantohet, të cilët bënë thirrje jo vetëm për djegie mandatesh por dhe për dhunë dhe përplasje civile.

Në krye të tyre janë analistët Shkullaku, Lubonja, Bushati, Zheji dhe Lela, të cilët në një mënyrë apo një tjetër krijuan një kauzë të gatshme për Lulzim Bashën, për të orientuar opozitën drejt një lëvizje radikale. Dhe Basha që nuk shquhet për kauza e kapi këtë kauzë, si dembel që është.

Të gjithë këta analistë janë në të drejtën e tyre, pasi kështu e mendojnë, janë në përplasje me kryeministrin Edi Rama dhe duan ta godasin e dobësojnë, nuk janë votuar dhe përgjegjësia politike bie mbi vetë Lulzim Bashën, si kryetar i PD dhe opozitës.

Kreu demokrat i gjendur nën efektin “sanduiç” mes presionit të Berishës dhe këshillave të këtyre “menaxherëve” të lëvizjeve radikale të opozitës, vendosi të ndërmarrë hapin për të cilin tashmë ndoshta është penduar, duke nxjerrë PD dhe opozitën jashtë sistemit.

Djegia e mandateve jo vetëm që nuk e rrëzoi Ramën, por bashkoi rreth tij të gjithë të majtët, madje duke tkurrur dhe LSI-në e Monika Kryemadhit.

Për më tepër që, e pangjarë për një kryeministër në mandatin e dytë qeverisës, të gjithë partnerët ndërkombëtarë tashmë janë krah qeverisë së Ramës, duke e quajtur legjitime,  që krijon besim se do të çojë vendin përpara dhe drejt integrimit në BE.

Ndërkohë, tashmë që PD dhe opozita ka dalë jashtë sistemin, “menaxherët” shkojnë më tej në kërkesën ndaj Bashës, i kërkojnë të bëjë “harakiri” duke bojkotuar dhe zgjedhjet për pushtetin vendor. Janë sërish në të drejtën e tyre.

Duke qënë nën peshën e komandimit të “menaxherëve” të tillë, Basha sikurse u pa dhe ditën e protestës së të shtunës, ka kaluar në disa lëvizje kaotike, ndërkohë që mbështetësit po i rrallohen çdo ditë e më shumë. Ndërsa bojkotin në zgjedhjet vendore po e sheh dhe si alternative për të shpëtuar postin e kryetarit të PD, ndonëse mbetet tërësisht jashtë sistemit opozita.

Por mund të rikthejëe opozitën në lojë duke e shkëputur nga strategjia radikale e dalja jashtë sistemit./M.Nikaj

Reagon Bashkia Tiranë: Berisha dhe Vasili janë bllokuesit e projektit japonez të kanalizimeve

20:09 Politika

Protesta, Avokati i Popullit si opozita: Ishte shumë paqësore, e kemi vëzhguar nga afër. Dënojmë dhunën dhe përdorimin e gazit lotsjellës

19:08 Politika

Berisha dhe taborri i tij ishin të trembur, me 5 mijë militantë që i duken 1 milion tentoi të digjte Parlamentin. Ja çfarë e pret

19:00 Politika

Kryemadhi: S'ka hapa pas, Rama do japë llogari! Ne duam të ardhmen e fëmijëve të shqiptarëve

18:40 Politika

Betohet Edi Paloka: S’ka zgjedhje pa opozitën. Nëse ndodh, iki nga politika

18:30 Politika

Lulzim Basha paralajmëron Ramën: Ju pret burgu, ne jemi krah njerëzve

17:27 Politika

Protesta e opozitës, Elisa Spiropali: Basha s'bëhet kurrë lider, kush tenton t’i vërë zjarrin këtij vendi arrin vetëm të digjet vetë

17:08 Politika

U procedua penalisht, trimërohet Gazmend Bardhi: Asgjë nuk na ndal dot

14:57 Politika

I bëri "kaps" dhe në protestën e natës përballë institucioneve, Petrit Vasili e ka me Sandër Lleshajn: Shtet horrash!

14:23 Politika

Portali i Zenit përmes Çlirim Pekës deklaron "fundin" e Republikës së Ambasadorëve, shqetësim pse Austria ka ndikim më shumë se Rusia

14:16 Politika