Meta flet ndryshe në Romë, tani "melodi" tjetër: Shqipëria, promotore e palodhur e stabilitetit

Teksa në Tiranë paralajmëroi një muaj më parë vendosjen e juntës ushtarake dhe se ishte i gatshëm të sakrifikonte veten e tij, Presidenti Ilir Meta ka folur ndryshe në Romë.

Kreu i shtetit e cilësoi Shqipërinë si promotore të stabilitetit.

Si i “Ftuar Nderi” në Kolegjin e Mbrojtjes së NATO-s në Romë, Meta tha se Shqipëria është e gatshme të marrë të gjitha përgjegjësitë që i kërkohen, me qëllim që të vijojë më tej rolin e pazëvendësueshëm të forcimit të stabilitetit në Ballkan.

“Shqipëria është e gatshme të marrë të gjitha përgjegjësitë që i kërkohen, veçanërisht në përmbushjen e rolit të saj të pazëvendësueshëm si faktor stabiliteti në rajon, si promotore e palodhur e bashkëpunimit dhe integrimit rajonal, si mbështetëse e vendosur e politikës së ‘Dyerve të Hapura’ të NATO-s dhe si partnere strategjike e Aleancës përmes një politike të jashtme koherente dhe të besueshme.”-tha Meta.

Në kuadër të 10-vjetorit të anëtarësimit të Shqipërisë në NATO, Presidenti i Republikës, Ilir Meta, zhvilloi një vizitë si i “Ftuar i Nderi” në Kolegjin e Mbrojtjes së NATO-s, në Romë.

Dekani i Kolegjit të Mbrojtjes, Dr. Stephen Mariano, pasi i uroi mirëseardhjen Presidentit Meta, i bëri një prezantim të shkurtër rreth Kolegjit, të themeluar në vitin 1951, nga ish-Komandanti i parë, dhe “babai i NATO-s”, General Dëight D. Eisenhoëer.

Ndër të tjera, ai theksoi se Kolegji i Mbrojtjes së NATO-s, në Romë gjatë 68 viteve, ka dhënë kontribute të jashtëzakonshme për zhvillimit e mendimit dhe leadership-it strategjik, për çështjet e politikave të sigurisë të vendeve të NATO-s, dhe jo vetëm.

Pas shënimit në Librin e Vizitoreve të Shquar të Kolegjit, Presidenti Meta u ftua të mbajë fjalën e tij përpara një audience të veçantë me ekspertë të shquar të mbrojtjes, të sigurisë dhe përfaqësues ushtarëkë të vendeve anëtare të NATO-s në Romë.

Gjatë fjalës së tij në auditorin e Kolegjit, Presidenti Meta nënvizoi se anëtarësimi i Shqipërisë në NATO përbën një ngjarje me rëndësi historike jo vetëm për Shqipërinë por edhe për rajonin e Ballkanit Perëndimor e njëkohësisht është një përgjegjësi e madhe për t’i shërbyer paqes, stabilitetit dhe sigurisë së rajonit tonë, në Mesdhe dhe më tej.

Presidenti Meta në fjalën e tij theksoi se: “Shqipëria është një partner i besueshëm i NATO-s dhe lider në të gjitha nismat rajonale me qëllim rritjen e masave të besimit mes vendeve të rajonit, forcimin e bashkëpunimit dhe ndarjen e përvojës së saj të anëtarësimit.

Shqipëria garanton përmbushjen e përgjegjësive të saj, angazhimin dhe përkushtimin e solidaritetin në dobi të “mbrojtjes dhe sigurisë kolektive” të çdo anëtari të NATO-s dhe të interesave strategjike të Aleancës”.

“Shqipëri është e gatshme të marrë të gjitha përgjegjësitë që i kërkohen, veçanërisht në përmbushjen e rolit të saj të pazëvendësueshëm si faktor stabiliteti në rajon, si promotore e palodhur e bashkëpunimit dhe integrimit rajonal, si mbështetëse e vendosur e politikës së ‘Dyerve të Hapura’ të NATO-s dhe si partnere strategjike e Aleancës përmes një politike të jashtme koherente dhe të besueshme”, – theksoi Kreu i Shtetit shqiptar.

“S’ka pazar me Ramën”, kujt i trembet Lulzim Basha?

18:11 Politika

VIDEO: Balla publikon momentin kur vendoset busti i Skënderbeut në Bashkinë e Portocannone

17:20 Politika

Sali Berisha, po të përgjigjem publikisht për aksidentin

16:58 Politika

Bardhi në Prokurori: Qëllimi i Policisë ka qenë pengimi i zhvillimit të protestës, duke hedhur gaz

13:21 Politika

Deputeti i PS: 'Opozitë të kam dhj***ë, s’të kuptova asnjëherë', do thoshte Konica. Vranë më 21 janar, qurraviten për gazin që blenë vetë

13:40 Politika

Shteti në “dorën” Erjon Braçes, largohen jashtë vendit Meta, Rama, Ruçi e Basha (opozitën e ka "merak" Berisha)

13:27 Politika

Berisha i del në mbrojtje Nikoll Lesit: Është goditur dhe rrahur nga falangat e krimit shtetëror, Edvin Urrejtësi frymëzon banditët ndaj botuesit të "Koha Jonë"

13:19 Politika

Kujt ja dha Lulzim Basha filmimet për masakrën në Krushë dhe si hyri në politikë me një milionë euro pasuri?

12:12 Politika

Kur Richard von Weizsäcker tha: Kosova duhet të jetë e pavarur

11:35 Politika

SHENIM: Pse i ka tërbuar Sandër Lleshaj, ata që flasin ditë e natë për përmbysje e tërheqjen zvarrë të Edi Ramës?

11:31 Politika