Te fundit
Krizë kushtetuese apo krizë presidenciale?!
30 Prill 2019, 19:45Blog
TEMA
Nga Skënder Minxhozi
Ashtu siç kishte bërë edhe më parë, sot, pas takimit me partitë e vogla parlamentare, Presidenti Meta ka përsëritur sot kërkesën për zgjidhjen e “krizës serioze kushtetuese, institucionale dhe të përfaqësimit ku ka hyrë vendi”. Ishte një formulë e hedhur qëllimisht edhe në të shkuarën, rreth përcaktimit zyrtar që kreu i shtetit i bën situatës që po kalojmë prej mesit të shkurtit.
Megjithëse pas 17 shkurtit Ilir Meta e ka kritikuar një dy-tre herë formalisht vendimin për djegien e mandateve parlamentare nga opozita, ai harroi t’jua thoshte këtë gjë (të paktën në komunikatën zyrtare nuk përmendej askund), partive që takoi sot dhe të cilat e kanë vendosur këtë akt me gërma të mëdha në platformën që kanë paraqitur për daljen nga kriza.
Me këtë hap, Meta e fshiu edhe atë pak kriticizëm ndaj marrëzisë kolektive të opozitës shqiptare të dy muajve më parë, një marrëzi që ka marrë kritika të forta në të gjitha gjuhët e huaja kryesore, këtej dhe andej Atlantikut.
Presidenti nuk mori asnjë angazhim konkret përballë Mediut, Shehit, Dukës, Ndokës e Dules. Frazat evazive të deklaratës zyrtare na tregojnë indirekt se ky takim ka shërbyer vetëm për të vënë edhe një herë në dukje pafuqinë e presidentit dhe vetë-paragjykimin për rolin që ai duhet të ketë në këtë situatë delikate.
Shqipëria është në krizë. Kjo s’ka asnjë dyshim. E kotë të fshihemi pas gishtit. Por kjo e sotmja nuk është vetëm kriza e mandateve të djegura, ose e arrogancës së maxhorancës qeverisëse. Kriza është gjithashtu e prekshme dhe prezente edhe në degjenerimin logjik të opozitës për t’i ikur përgjegjësisë së përfaqësimit dhe të pjesëmarrjes, në vendimin e saj sa gjakftohtë aq edhe të papërgjegjshëm, për të dalë ngë sistemi politik dhe institucional me vullnet të plotë dhe për ta shkëmbyer zanatin e politikanit, me atë të mitingashit që shkul pllakat e rrugës.
Kriza është më në fund edhe tek presidenti i kapur nga e shkuara dhe e tashmja e tij politike, me njërën këmbë tek ish-partia dhe tjetrën tek gjoja-presidenca. Ilir Meta është pjesë e krizës “kushtetuese dhe institucionale”, siç e përcakton presidenca gjendjen aktuale. Si e tillë, kriza e sotme e ka njërin ndër burimet kryesore tek paradoksi i një presidenti të dyzuar, të kompleksuar dhe në dizekuilibër të plotë politik.
Pasi i shkroi letër Donald Trumpit kundër Edi Ramës dhe pasi refuzoi t’i japë udhë procesit kushtetues dhe të pakundërshtueshëm të ndryshimeve qeveritare, duke u angazhuar në një zinxhir të shëmtuar batutash në distancë me Edi Ramën, Presidenti Meta mundi të prekë me dorë sesa relativ dhe irelevant e ka bërë postin e lartë që mban, pas shkurtit të mandateve.
Ai thërret në takim partitë e vogla që megjithë respektin, nuk kanë thuajse asnjë rol në zgjidhjen e një krize të shkaktuar nga dy të mëdhenjt, plus partinë që udhëhoqi në fushatën e fundit elektorale. Presidenti është i destinuar të ketë një rol margjinal në krizë, pasi në dy muaj e gjysëm nuk rezulton të ketë pasur asnjë konsultim me Ramën, Bashën apo ambasadorë e zyrtarë të lartë, të angazhuar për paqëtimin e punëve në Tiranë.
Kreu i shtetit ka ndërtuar gur pas guri rreth vetes, pas vitit 2017, murin e lartë të paragjykimit dhe anësisë. Dhe kur je në një pozitë të tillë, ke pak hapësirë për veprim në kohë të këqia si këto që po kalojmë.
9 komente në “Krizë kushtetuese apo krizë presidenciale?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
te kater keto figura Dule, Mediu, Shehi, Duka jane pa parti, vete kryesojne pa asnje antar, si ka mundesi qe presidenti i vendit tone merr per baze ca kerkesa absurde te ketyre individeve ? nese do merren parasysh cfare keta persona kerkojne, i bie qe cdo shqiptar te ngrihet te thote qe kam x parti dhe te kerkoj rrezimin e qeverise se ashtu do duan, kjo eshte cmenduri nga ana e metes, ketij presidenti halabak pa identitet qe e rreh gruaja per te pranuar cfare ajo do dhe kerkon !!!!!
E ka hapur gojen shume,keshtu Edi nuk do kete veshtiresi tja fusi te gjithe ne goje ketij karagjozi
Ilir Meta vetëm rrogën merr në Presidencë, ndërsa veprimtarinë e kryen në arat e leshelisë. Dhe për këtë jo vetëm qe s’ka turp, por e bën edhe hapur.
Shume sakte analiza , si gjithmone Z. Minxhozi.
Ju lexoj dhe ndjek me kenaqesi.
Respekte!!
Shihjani djallezine,ligesine, pabesine e z president qe per zgjidhjen e krizes se opozites e fillon nga bishti nga hici jo nga koka
Cfar peshe kane keto particka qe bisedoi presidenti??????! asgje vetem keta jane ish deputete te Bashes Te shohim cfar plani tjeter ka e ku do na nxjere presidenti qe e peshtiu me keq se Nishanlliu vendin e te parit te shtetit
po ceshte mor ky president, mor edi rama mor kokra e debilit ku e gjete kte dhe mire ta ben palaco politikan .ju jeni per tu vare te gjithe ne litar
Presidentit nuk ja var kush, madje as gruja e tij, i vetmi rast qe pati ishin keta mysafire (te paftuar) ne oxhakun e presidences, pirdh o meta pirdh se çfryesh
Ky president i thencin eshte i SHPK-se leshelisjanedhe jo i popullit shqiptar.Shqiptaret,po te votohej nga populli dhe jo nga pazaret e detyruara te EdiRames,se shantazhuar nga ky mafjoz i degjenruar politik e shoqeror,nuk do e zgjidhnin as per roje te presidences dhe do e dergonin direkt e ne burg dhe me pas le te fillonte nga e para.Nje njeri i akuzuar publikisht dhe nga ustai i tij me nofken “like floriri (Berishovici ne vitin 1998-ten) dhe te cilin e kemi pare me ze e figure duke pazarepsur per te marre 7% nga biznesi i A.Rrapajt…dhe qe u be shkas per demostraten e 21 Janarit te vitit 2011 dhe qe i shpetoi burgut me nderhyrjen dhe votat e gjyqtareve te Berishes,jo president por as roje njuk duhej te vinte tek presidenca.Por turpi eshte per ata qe kane turp dhe jo per ata qe fytyren e kane rrogoz,si puna e ciftit presidencial.Dje, ne Estoni dha doreheqjen vetem disa dite pasi ishte emeruar ne detyre nje minister dhe e dini pse? Sepse qarkulloi lajmi se kishte ushtruar dhune ne familje!!!E kuptoni se cfare standarti ka bota dhe sa vite drite larg jemi ne?! Tonin president leshi e kane kapur me presh ne dore dhe nuk dorehiqet se e ze kucka me nje cizme me pantofel dhe e ndjek nga shtepia,pa llogaritur detyrat qe i ka dhene krimineli i serbeve ,Berishe vicidolasi…e di vete ai…!!!
Vete u zgjodh president?!
Jo! E zgjodhen socialistet.
A e zgjodhen se ishte intelektual, personalitet, i ndershem apo i paanshem?!
Jo! E zgjodhen per ta hequr qafe dhe per te forcuar pozitat e tyre qe te qeverisnin vetem.
Kur zgjedh nje hajdut medioker per president te shqiptareve, thjeshte per interesat e tua mediokre, nuk ke pse qahesh qe president eshte Iliri qe zgjodhe!