Te fundit
PD: “Bild” i ka marrë përgjimet nga burime shqiptare, por jo nga ne
6 Qershor 2019, 17:27Politika
TEMA
Oerd Bylykbashi ishte i ftuar në “Ditari” në A2 CNN, ku foli për përgjimet e publikuara nga gazeta gjermane “Bild” ditën e djeshme.
“Ato që dëgjuan dje shqiptarët nuk janë sekret, dihen prej kohësh.
Unë kam thënë në Parlament që Durrësi është bërë kryeqyteti i krimit të organizuar në Shqipëri.
Neve nuk na besonin kur flisnim për presionin mbi administratën dhe shitblerjen e votës.
Të gjitha ato që kemi thënë ne u konfirmuan katërcipërisht dje.
Shitblerja e votës dhe kërcënimi i zgjedhësve janë vepra penale.
Ne i kemi dokumentuar me mundësitë tona, por për të qenë prova duhen procese hetimore.
Ja ku e kemi një dosje me të dhëna tronditëse, por mesa duket nuk i bëjnë përshtypje Edi Ramës dhe do të duheshin që media t’i nxirrte pasi prokuroria fle mbi ato dosje”, u shpreh ish-deputeti i Partisë Demokratike.
Më tej, Bylykbashi theksoi se shqiptarët “duhet t’i shqetësojë fakti që prokurorja e përgjithshme ka prioritet të hetojë kush nxori këto gjëra të tmerrshme që ajo i mbante të fshehura”, ndërsa shtoi se ato përgjime nuk ia ka dërguar “Bild”-it opozita shqiptare.
“Gazeta “Bild” i ka marrë audio-përgjimet nga burime shqiptare, por jo nga opozita.
Edhe Zëri i Amerikës ka nxjerrë përgjime të tjera, por mesa duket sa më shumë “trashet” zullumi, aq më shumë e kuptojnë tronditjen.
Por, asgjë që thotë mazhoranca nuk i heq vlerën shokuese atyre përgjimeve që dëgjuan dje shqiptarët”, u shpreh Bylykbashi.
1 komente në “PD: “Bild” i ka marrë përgjimet nga burime shqiptare, por jo nga ne”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjarperi nuk i tregon kembet me gjithe qe ecen shume shpejte.Por mos u nxitoni bre burra se te gjitha do ti nxjerre drejtesia dhe ju te PD vetem nje bire ju ka mbetur ku te fshiheni.