Te fundit
OBSH vendos: Virusi "Ebola" nuk është emergjencë globale
15 Qershor 2019, 17:47Shëndeti
TEMA
Më shumë se 1,400 njerëz kanë vdekur dhe më shumë se 2,000 janë infektuar në shpërthimin e fundit të virusit të Ebolas në Afrikën Qendrore, tha Organizata Botërore e Shëndetësisë,raporton BBC news.
Një panel i Organizatës Botërore të Shëndetësisë, OBSH, ka vendosur të premten të mos e shpallë emergjencë ndërkombëtare shëprthimin e Ebolës në Kongo, përkundër përhapjes në Uganda këtë javë, duke theksuar se kjo do të shkaktonte dëme të mëdha ekonomike.
Republika Demokratike e Kongos po përballet me shpërthimin e dytë më të madh, vetëm tre vjet pas shpërthimit më të madh në botë.
Në një njoftim, paneli i OBSH-së ka paralajmëruar për masa vendet fqinje, si në rastin e Ugandës.
“Kjo nuk është emergjencë globale, është emergjencë në Kongo, si dhe mund të prekë vendet fqinje”, tha doktor Preben Aavitsland.
Ai shtoi se nuk është e nevojshme të shpallet emergjencë ndërkombëtare për shkak se do të krijonte dëme të panevojshme në tregti dhe udhëtime.
Jeremy Farrar, drejtor i organizatës kërkimore Wellcome Trust, me seli në Londër, tha se epidemia është më e keqe se ajo e periudhës 2013-2016 dhe se nuk tregon “shenja të ndalimit”
“Republika Demokratike e Kongos nuk duhet të përballet e vetme me këtë”, tha ai.
Ebola është një virus që fillimisht shkakton ethe, dobësi, dhimbje të muskujve dhe dhimbje të fytit.
Pacientët e prekur mund të vdesin nga dehidrimi dhe dështimi i disa organeve.
Shpërthimi më i madh që ka ndodhur në Afrikën Perëndimore më 2013-2016, ka prekur 28,616 njerëz, kryesisht në Guinea, Liberi dhe Siera Leone. (TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
