Analiza e vendimit të Kolegjit Zgjedhor: Presidenti nuk mund të anulojë dekretin e të shpallë datë të re

Përmes 32 faqeve të vendimit të tij, Kolegji Zgjedhor argumenton pavlefshmërinë e dekretit të presidentit për të anuluar 30 qershorin si datën e zgjedhjeve lokale.

Ky vendim është zbardhur në të njëjtën ditë kur presidenti caktoi datën e re të zgjedhjeve më 13 tetor 2019, por sipas kolegjit pasi presidenti nxjerr një dekret me datë zgjedhjesh as ka të drejtë ta anuloj atë as ka të drejtë të nxjerr një datë tjetër.

Në faqen 15 të këtij vendimi kolegji shprehet;

“Kolegji çmon të bazuar qëndrimin e KQZ-së ku shprehet në vendim se: “dekretimi duhet bërë duke respektuar periudhën zgjedhore (neni 8)”, dhe se dekretimi duhet bërë jo më vonë se 9 muaj … (neni 9)”.

Presidenti i Republikës ka kompetencë të kufizuar në kohë, dhe tej kësaj kohe, ai nuk ka më asnjë kompetencë për të vepruar në këtë drejtim. Pra, as mund të ndryshojë dhe as mund të shfuqizojë datën e zgjedhjeve.

Të dyja këto parashikime të Kodit Zgjedhor nuk janë respektuar në nxjerrjen e dekretit të dytë, për rrjedhojë, janë momente që e bëjnë dekretin e dytë të Presidentit të Republikës të jetë në shkelje të hapur dhe në mënyrë flagrante me dispozitat ligjore në kuptim të nenit 108, paragrafi 2, germa “a” të Kodit të Procedurave Administrative”.

Vetëm ligji mund ta lejojë që Presidenti të ndryshojë apo të shfuqizojë datën e zgjedhjeve, sikurse ka ndodhur në vitin 2007, kur Kuvendi u detyrua të ndryshojë Kodin Zgjedhor për të mundësuar këtë, sqaron kolegji në vendimin e tij. Më tej ata shtojnë se me veprimet që ka kryer presidenti për të anuluar datën e zgjedhjeve më 30 qershor ka marrë kompetencat e parlamentit.

“Në vijim të këtij arsyetimi, Kolegji Zgjedhor çmon se Presidenti i Republikës, nëpërmjet anulimit të datës së zgjedhjeve për organet e qeverisjes vendore të 30 qershorit 2019, në mungesë të kompetencës ligjore dhe tej afateve të parashikuara nga Kodi Zgjedhor, ka marrë kompetencat e një organi tjetër, konkretisht ka marrë kompetencat e Kuvendit të Shqipërisë”.

Në një tjetër argument kolegji thotë se me dekretin e anulimit presidenti i ka hequr të drejtën qytetarëve të zgjedhin. “Gjithashtu, Kolegji Zgjedhor çmon se anulimi i datës së zgjedhjeve në mungesë të kompetencës ligjore dhe në shkelje të afateve të parashikuara nga Kodi Zgjedhor bën që në fakt, shtetasve shqiptarë me të drejtë vote t’iu mohohet një e drejtë kushtetuese e parashikuar nga Kushtetuta e Republikës së Shqipërisë: e drejta për të zgjedhur dhe për t’u zgjedhur sipas nenit 45 të Kushtetutës”.

Një tjetër argument ligjorë i përdorur nga kolegji zgjedhor është edhe afati i të zgjedhurve vendorë ku sipas tij është 4 vjeçar, e për analogji sjellin rastin e kryeprokurorit ku në mbarim të mandatit ai zëvendësohet. “Nëpërmjet anulimit të datës së zgjedhjeve bëhet edhe zgjatja e mandatit të organeve të qeverisjes vendore tej afatit ligjor, e një gjë e tillë është e papranueshme, pasi bie ndesh me nenin 1, pika 3 dhe nenin 2, pikat 1 e 2 të Kushtetutës.

Për arritjen e këtij përfundimi Kolegji Zgjedhor ka në konsideratë edhe rregullimet ligjore për marrëdhënie analoge në fushën e së drejtës publike. Kështu, sipas këtyre normave të së drejtës objektive, për një kategori funksionarësh të lartë (për shembull Prokurori i përgjithshëm, KLP dhe KLGJ, Kushtetuta dhe ligji respektiv parashikon afate kohore për fillimin e procedurave për zëvendësimin e tyre përpara përfundimit të mandatit, pikërisht për të respektuar këtë të fundit”.

Makthi i një shkaktari krizash për një krizë që s’e shkaktoi vetë

17:25 Politika

Rama reagon sërish: Presidenti në shkarkim e sipër e di ç'shkruhet mbi vulën e Republikës, po s’di hiç çfarë bën me dekretet për llogari të Saliut, Lulit e Monikës. Karnavale të politikës pa din e iman

17:21 Politika

Mazhoranca e vendosur për shkarkimin e Metës: Ja çfarë do ndodhë pas 30 qershorit

16:55 Politika

Situata në Shqipëri, kongresmeni Engel: Mosmarrëveshjet zgjidhen me dialog, krizat minojnë rrugën evropiane

16:49 Politika

"Shkëlqesia e tij foli", Artan Hoxha: Hape rrugën o i pari, se ne jemi nga Skrapari

16:28 Politika

Dy nga arsyet pse 13 tetori i Metës është tërësisht antikushtetues

15:59 Politika

E PLOTË/ Zbardhet vendimi i Kolegjit: Dekreti i Metës për anulimin e 30 qershorit i pavlefshëm

15:41 Politika

Plani i PD në Kavajë, drejtori i jep çelsat e shkollave militantëve: Nëse materialet hyjnë brenda, ndërhyni me forcë dhe shkatërrojini e digjini

15:43 Politika

Spiropali: Qamet, kush do t’i organizojë zgjedhjet e 13 tetorit, se KQZ dhe Kolegji Zgjedhor e kanë thënë fjalën

15:27 Politika

Opozita dakort me Metën: Zgjedhjet do bëhen më 13 Tetor o klloçka Rama, ndaj mblidhi vezët dhe të bëfshin mirë

15:18 Politika