Gjykata e shpall jokushtetues Ekipin Negociator për bisedime me Serbinë

Ekipi Negociator i Kosovës për bisedime me Serbinë është shpallur jokushtetues nga ana e Gjykatës Kushtetuese të Kosovës.

Gjykata ka vendosur në favor të lëndës së parashtruar nga dy partitë opozitare, Lidhja Demokratike e Kosovës dhe Lëvizja Vetëvendosje me të cilën kontestohet jo kushtetues Ligji për Delegacionin e Kosovës në bisedimet me Serbinë.

Në një komunikatë për media thuhet se Gjykata Kushtetuese ka konstatuar se “delegacioni shtetëror, i cili është themeluar me Ligjin e kontestuar, nuk është i paraparë me Kushtetutë dhe nuk është i paraparë brenda formës së qeverisjes dhe ndarjes së pushtetit”.

Gjykata ka konstatuar se “si i tillë, delegacioni shtetëror nuk mund të përfshihet në ndërveprimin e ndarjes, kontrollit dhe balancimit të pushteteve, gjegjësisht strukturën e ndarjes së pushtetit, sikurse është e përcaktuar me nenin 4 të Kushtetutës”.

Më tej, Gjykata konstatoi se bartja e kompetencave të institucioneve kushtetuese tek “mekanizmi i posaçëm” i krijuar me Ligjin e kontestuar, është ndërhyrje në ushtrimin e kompetencave të institucioneve të përcaktuara me Kushtetutë dhe nuk është në pajtim me vlerat demokratike dhe të sundimit të ligjit, të përcaktuara me nenin 7 të Kushtetutës, sepse, siç thuhet, i mvesh delegacionit shtetëror funksione të cilat nuk përkojnë me dispozitat kushtetuese.

Në dhjetor të vitit 2018, Kuvendi i Kosovës pati miratuar Ekipin Negociator të Kosovës, me në krye zëvendëskryeministrin Fatmir Limaj dhe kryetarin e Partisë Socialdemokrate Shpend Ahmeti. Ky ekip, ishte paraparë të funksiononte mbi bazën e Ligjit për kompetencat dhe përgjegjësitë e Delegacionit të Kosovës në bisedimet me Serbinë, por i cili ishte kontestuar nga LDK dhe Vetëvendosje, të cilat i ishin drejtuar Kushtetueses me kërkesën për interpretim.

Pas Serbisë, Kosova kërcënon me taksë Shqipërinë dhe Maqedoninë e Veriut

12:53 Rajoni

VIDEO: Arrestohet Nikolla Gruevski, del me pranga në duar para gjykatës

11:31 Rajoni

Shqipëria dhe Maqedonia, në ‘garë’ për Kosovën/ Instat i Kosovës: Dy shtetet me pjesëmarrjen me të lartë të importit nga CEFTA!

08:57 Rajoni

Në "Mbretërinë" e lajmeve të rreme, që ndodhet vetëm pak larg Shqipërisë

18:37 Rajoni

Beogradi alarmon për gjendjen në veri, Prishtina: Gjithçka është inskenim

15:46 Rajoni

Ministri serb: Serbia do të përpiqet të furnizojë popullatën në Kosovë

12:10 Rajoni

Tsipras kërcënon Turqinë: Kush shkel sovranitetin tonë, do ketë pasoja

10:26 Rajoni

Greqi - vendi ku fëmijët e shëndetshëm jetojnë në spital

09:06 Rajoni

Ankohet Beogradi: Shqiptarët kanë mbyllur rrugët e furnizimit me ushqime të serbëve

20:08 Rajoni

Politika e BE-së për “frenim” në Ballkan një iluzion i rrezikshëm

15:19 Rajoni