Ministri serb: Serbia do të përpiqet të furnizojë popullatën në Kosovë

Ministri i Tregtisë, Turizmit dhe Telekomunikacionit të Serbisë, Rasim Lajiç tha se Serbia do të përpiqet të furnizojë popullatën në Kosovë, së paku me ushqimet bazike.

“Në mëngjes, na njoftuan se ka mungesë me qumësht, nuk ka fruta dhe perime në dyqane dhe rezervat e produkteve të tjera ushqimore ngadalë po boshatisen”, tha Lajiç për Radio Televizionin e Serbisë.

Ai tha se pas aksionit të njësisë speciale të policisë së Kosovës në veri, më pak mallra nga Serbia kanë shkuar në Kosovë, duke shtuar se për shkak të vendosjes së tarifës nga ana e autoriteteve të Kosovës “të gjithë kanë humbur” dhe më se shumti ekonomia serbe.

“Nga Serbia, 228 milionë më pak mallra janë dërguar në Kosovë nga 21 nëntori deri më 24 qershor. Çmimi i mallrave në Kosovë është rritur me 5.3 për qind. Përveç kësaj, Kosova ka rritur importin me 6.4 për qind, pavarësisht njoftimeve që prodhuesit vendas do të përdorin vendosjen e tarifës për të rritur prodhimin. Të vetmit që vërtetë kanë përfituar janë kontrabanduesit”, tha Lajiç.

Të martën Kryeministri i Kosovës, Ramush Haradinaj, ka ripërsëritur deklaratën që Kosova ka njohuri që në veri të vendit po bëhen përpjekjet për të improvizuar një “krizë humanitare”. Siç ka thënë ai, në objekte dhe shtëpi të ndryshme në veri të Kosovës po mbahen produkte të caktuara ushqimore, ndërkohë që shitoret po boshatisen. Sipas tij, ky skenar do të duhej të aktivizohej të enjten.

Drejtori i Zyrës për Kosovën i Qeverisë së Serbisë, Marko Gjuriq, u ka thënë të martën mediave serbe që ditëve të fundit janë ndërprerë kanalet për furnizim nga Serbia me produktet themelore për jetesë.

Tsipras kërcënon Turqinë: Kush shkel sovranitetin tonë, do ketë pasoja

10:26 Rajoni

Greqi - vendi ku fëmijët e shëndetshëm jetojnë në spital

09:06 Rajoni

Ankohet Beogradi: Shqiptarët kanë mbyllur rrugët e furnizimit me ushqime të serbëve

20:08 Rajoni

Politika e BE-së për “frenim” në Ballkan një iluzion i rrezikshëm

15:19 Rajoni

Vjedhja dhe vrasja e përditshme e Kosovës

13:39 Rajoni

Flamuri grek në takimin e Ramës në Finiq, Gazmend Kapllani: Ju ofroj skenarë fantashkencorë për Greqinë

17:45 Rajoni

Tensionet në rritje, Cipras paralajmëron Turqinë për shpimet

13:32 Rajoni

Thaçi: Nëse s'arrihet marrëveshja me Serbinë, do ketë destabilizim të rajonit

11:34 Rajoni

Güle-güle Erdogan: Pse humbja e tij, është një fitore për shqiptarët

09:58 Rajoni

Marrëdhëniet me Kosovën, Vuçiç: Ata vetëm kërkojnë njohje, por nuk ofrojnë asgjë

17:31 Rajoni