Zgjedhjet: Dy të arrestuar në Tiranë dhe Durrës dhe një procedim penal në Mat

Përkundër dilemave dhe shqetësimeve që i paraprinë ditës së sotme, procesi i votimit për zgjedhjet vendore u zhvillua normalisht.

Prokuroria e Përgjithshme bën me dije se në shkallë vendi rezulton se numri i përgjithshëm i çështjeve të regjistruara për vepra penale që prekin zgjedhjet e lira në funksion të fushatës së zgjedhjeve vendore të datës 30 qershor 2019, është gjithsej 3 procedime penale me 2 persona të arrestuar.

Më konkretisht:

Prokuroria pranë Gjykatës së Rrethit Gjyqësor Durrës, ka regjistruar 1 (një) procedim penal në ngarkim të 1(një) personi të arrestuar, i dyshuar për kryerjen e veprave penale të “Dëmtimi me dashje i materialit zgjedhor”, “Kanosja apo dhunimi ndaj pjesëmarrësve në zgjedhje”, si dhe “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 326/a/1, 329/2 dhe 278/1 të Kodit Penal. Akoma nuk është dhënë masa e sigurimit nga gjykata.

Prokuroria pranë Gjykatës së Rrethit Gjyqësor Tiranë, më datë 30 Qershor 2019 ka regjistruar, 1 (një) procedim penal në ngarkim të 1(një) personi të arrestuar, i dyshuar për kryerjen e veprës penale të “Dëmtimi me dashje i materialit zgjedhor”, mbetur në tentativë, parashikuar nga neni 326/a/1-22 i Kodit Penal. Akoma nuk është dhënë masa e sigurimit nga gjykata.

Prokuroria pranë Gjykatës së Rrethit Gjyqësor Mat, ka regjistruar 1(një) procedim penal pa autor, për veprën penale të “Shkatërrimit të pronës me eksploziv”, parashikuar nga nenei 152 i Kodit Penal, pasi rreth orës 00:30, në njërën nga klasat e shkollës ku ishte caktuar një qendër votimi, është hedhur një sasi e dyshuar si lëndë eksplozive.

Kurse, Prokuroritë e tjera pranë Gjykatave të Rretheve Gjyqësore si dhe Prokuroria e Krimeve të Rënda kanë njoftuar se deri në këto momente nuk kanë të regjistruar procedime penale lidhur me veprat penale që prekin zgjedhjet e lira dhe çdo shkelje që lidhen me zgjedhjet e 30 qershorit.

Zgjedhjet 2019, Burgjet: Ja pjesëmarrja e të dënuarve në secilin burg të vendit

20:07 Kronika

DENONCIMI: Punonjësit e Bashkisë së Vorës, presion votuesve në qendrën e votimit në Marikaj

18:00 Kronika

Grisi fletën e votimit, tentoi të marrë vulat e komisionit dhe të thyejë kutitë, pranga 66 vjeçarit në Kamëz

13:54 Kronika

“Farmacia”/ Finalizohet operacioni antikontrabandë, 3 të arrestuar në Korçë

17:14 Kronika

Zgjedhjet e 30 Qershorit: Ushtria merr në ruajtje objektet e rëndësisë së veçantë

16:18 Kronika

Tërmetet prekin sërish vendin: Pas Korçës lëkundje sizmike ndjehen edhe në Burrel

13:52 Kronika

"Hiqet si i paanshëm dhe s'takon gruan e tij", Presidenca sulmon Rudina Hajdarin: Po shpërdoron mbiemrin Hajdari derisa t'i kalojë mami vettingun

13:16 Kronika

Sulmuan KZAZ në Peshkopi me kapsolla dhe bomba molotov, 12 të arrestuar, 39 të tjerë janë shpallur në kërkim

10:55 Kronika

LSI: Edi Rama po vulos monizmin. Kjo damkë nuk do t’i hiqet PS-së. Të gjithë shqiptarët sot janë me ne kundra kryeministrit

10:46 Kronika

Mbyllën shkollat për të mos lejuar votimet, 3 në pranga. Në kërkim nënkryetari i bashkisë Mallakastër

09:34 Kronika