Andi Bushati: Meta, barrikadë ndaj Ramës shumë më e madhe se e gjithë opozita së bashku. Jo mëkat që të jepte dorëheqjen

Analisti Andi Bushati i ftuar në rubrikën “Opinion” në Neës 24 analizoi me detaje situatën politike në vend, ndërsa u ndal edhe tek përplasja mes qeverisë, opozitës dhe Presidentit të vendit pas zgjedhjeve lokale të 30 qershorit, proces ky shumë i kontestuar nga fronti opozitar.

Sipas Bushatit, me këtë sistem shtetëror që ka ngritur kryeministri Edi Rama, roli i presidentit të Republikës është kthyer në një rol të pakuptimtë.  Ai pohoi se lëvizja më e mirë e Metës do të ishte ajo e largimit nga drejtimi i Presidencës.

“Nuk do të ishte mëkat që Meta të jepte edhe dorëheqjen dhe të ikte vetë. Presidenti në këtë lloj arkitekture shteti del një kukull e pakuptimtë.

Duket sikur Meta është i pavend atje dhe mund të ishte e udhës një lëvizje politike si dorëheqja dhe më pas largimi.

Presidenti çfarëdo veprimi që të bëjë, këto bëjnë sikur nuk ka ndodhur asgjë. Ka një optikë tjetër, e cila ka zgjedhur ndoshta Ilir Meta dhe ajo ka të bëjë me rezistencën deri në fund me deklarata publike dhe me dekrete.

Meta është një barrikadë për Rilindjen shumë më e madhe sa e gjithë opozita e marrë së bashku”-tha Bushati.

I pyetur se a mund të ekzistojë një plan për komplot ndaj Presidentit të Republikës nga dy partitë kryesore në vend, PD dhe PS, analisti thotë se politika aktualisht është në një lojë të fortë shantazhesh dhe presionesh dhe palët po presin me padurim se cili do të tërhiqet i pari nga “beteja” e nisur.

“Po përflitet shumë, por për të kuptuar vërtetësinë e thashethemit unë kam gjithmonë një strategji pasi analizoj gojët që përhapin këtë thash e them.

Po të shohim, gojët që e kanë publikuar këtë konspiracion në publik janë të njëjtat gojë që kanë mbështetur Edi Ramën në kohën e tij më të keqe.

Politika bën shantazh me lojën e dhunës e të forcës se kush do ta hajë presionin dhe kush do të tërhiqet i pari”-u shpreh Bushati.

Në fund Bushati u ndal edhe tek përgjimet e kryeministrit të Maqedonisë së Veriut, Zoran Zaev, të kryer me dy komedianë rusë ku mes tjerash bisedohej për çështjen e kufijve Kosovë-Serbi.

Ai tha se përgjimet treguan  se kancelarja e Gjermanisë Angela Merkel ka qenë e shqetësuar për këtë aventurë të rrezikshme mes Thaçit-Vucicit dhe Ramës.

“Na treguan shumë gjëra të reja. Së pari vërtetuan atë shprehjen tonë ‘kur të vjen e keqja hapi derën’. Thelbi i saj na tregon një gjë: Merkel ka qenë e shqetësuar për aventurën Thaçi-Vucic-Rama për aventurën e kufijve në Ballkan. Liderët kryesorë të rajonit janë të trembur me këtë aventurë, e cila mund të çonte në luftëra të reja në Ballkan”-shtoi ai.

Për 30 vite të njëjtat fytyra: Nga Berisha te Meta dhe Rama, Rudina Hajdari publikon vjetërsinë në politikë të politikanëve shqiptarë

18:34 Politika

Bujar Nishani paralajmëron radikalizimin e aksionit të PD-së: Nuk durojmë dot më, të na qeverisë Rama me 15% të votave

16:26 Politika

Sllovaki, Cakaj në ministerialin e ministrave të Jashtëm të OSBE: Shqipëria po përgatitet për kryesimin e organizatës vitin e ardhshëm

15:55 Politika

FOTOT: Nicki Minaj ka një mesazh për të drejtat e grave në Arabinë Saudite

15:51 Politika

Ahmetaj: I bindur se opozita do të ulet në tryezën e dialogut pa kushte përballë kryeministrit Rama

15:26 Politika

Ditmit Bushati: Nuk ka hakmarrje! Shkodra ka nevojë për punë dhe jo vetëviktimizim

14:56 Politika

Dash Shehi: Basha më i miri në krye të PD-së se s'ka tjetër që ta zëvendësojë

14:20 Politika

Plas sherri në studio, 27-vjeçarja përplaset me ish-burrin: Ke pasur 6 gra, më vure litarin në fyt për të më vrarë

14:01 Politika

Ish- e përndjekura dhe "armikja" e Ramës: Çmenduri të ndjekësh protestat-karnavale të PD-LSI, dalin që mos humbasin postet. Monika përbindësh që rropi popullin

11:44 Politika

Një rikthim pas në kohë, çfarë duhet të kujtojnë demokratët për Ilir Metën: Nga “blloku”, vrasjet në Tropojë, vjedhja e votave e arrestimi i Berishës

11:16 Politika