Te fundit
Veprime të turpshme ndaj minorenes në Arapaj: Policia jep detaje mbi ngjarjen dhe bën apel
19 Korrik 2019, 15:05Kronika
TEMA
Policia e Shtetit ka reaguar në lidhje me raportimin e sotëm në media, se një vajzë e mitur vetëm 8 vjeçe është tentuar të përdhunohet nga grup djemsh.
Në një deklaratë për median Policia sqaron se më datë 4 korrik, nëna e vajzës ka bërë denoncim sipas të cilës një javë më herët vajza e saj është mashtruar nga dy minorenë të lagjes ku banon ajo dhe më pas kanë kryer vepra të turpshme.
“Si rezultat i veprimeve të kryera, më datë 05.07.2019, është bërë ndalimi i një të mituri, i moshës 16 vjeç, ndërsa një i mitur tjetër i dyshuar si autor në këtë ngjarje është nën moshën e përgjegjësisë penale dhe është ndjekur në gjendje të lirë”, sqaron Policia e Shtetit.
Njoftimi i plotë i Policisë së Shtetit:
Nisur nga keqpërdorimi mediatik i ngjarjes së ndodhur më datë 4 korrik 2019, në Durrës, ku dy të mitur kanë kryer vepra të turpshme më një shtetase të mitur dhe se Policia ka fshehur ngjarjen, sqarojmë opinionin publik se:
Në datë 04.07.2019, pranë Komisariatit të Policisë Durrës është paraqitur dhe ka bërë kallëzim një shtetase, e cila ka shpjeguar se rreth një javë më parë vajza e saj është gënjyer nga dy shtetas po të mitur, banorë të lagjes, të cilët kanë kryer vepra të turpshme.
Për sqarimin e rrethanave të kësaj ngjarjeje, Policia e Durrësit menjëherë ka kryer të gjitha veprimet e nevojshme hetimore, duke e marrë në pyetje vajzën në prani të psikologes dhe nënës së saj, si dhe është komunikuar me prokuroren e gatshme pranë Prokurorisë së Rrethit Gjyqësor Durrës.
Si rezultat i veprimeve të kryera, më datë 05.07.2019, është bërë ndalimi i një të mituri, i moshës 16 vjeç, ndërsa një i mitur tjetër i dyshuar si autor në këtë ngjarje është nën moshën e përgjegjësisë penale dhe është ndjekur në gjendje të lirë.
Në lidhje me këtë ngjarje me impakt në publik dhe me pasoja për shtetasen e mitur dhe familjarët e saj, Policia e Shtetit ka shmangur në maksimum publikimin e këtij rasti, duke e lënë shkurt e pa detaje në Webin zyrtar:
https://www.asp.gov.al/index.php/17-shqip/lajmet-e-fundit/15489-raporti-ditor-i-ngjarjeve-policia-e-shtetit-6-korrik-2019
Në këtë kuadër Policia e Shtetit kërkon mirëkuptimin e medias që të shmangë sa të jetë e mundur publikimin e të dhënave personale të vajzës së mitur apo detaje rreth ngjarjes.
Policia e Shtetit është e angazhuar dhe e përkushtuar në shërbim të qytetarëve dhe në luftë pa kompromis kundër paligjshmërisë.
2 komente në “Veprime të turpshme ndaj minorenes në Arapaj: Policia jep detaje mbi ngjarjen dhe bën apel”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po normal duhet të reagojë policia,,, se
Ministria e Drejtësisë që ka bashkë hartuar legjislacionin për të miturit nuk di të reagojë, e qe ne fakt është tërësisht jashtë funksioni.
Leje pastaj Avokatin e Popullit qe ka një seksion të tërë për të miturit as e ka haberin se kur dhe çfarë të bëjë.
Zot na ruaj.
T’u priten koqet… nuk do te vdesin, thjesht do te kene nje kujtim.