Te fundit
Na hëngri goja!
21 Korrik 2019, 10:42Blog
TEMA
Nga Lorenc Vangjeli
Kur opozita ngrin protestat dhe qeveria vesh rrobat e banjos, kur bëjnë pauzë përleshjet në studio televizive dhe gjithë shqiptarët duket se gjejnë paqe nën diellin e nxehtë të Mesdheut, pra, kur politika, sporti kombëtar në atdhe mer pushimet e verës, atëherë si me magji zënë e shfaqen hallet reale të qytetarëve. Një prej të cilëve, e ndoshta pa asnjë dyshim e dilemë, është siguria ushqimore.
Të moshuarit përdornin dikur një shprehje drithëruese nga ato që mund t’i shpikë vetëm halli i skajshëm: Na hëngri goja! Një lloj ankese varfërie që dëshmonte hallin e frikshëm të shqiptarëve që historikisht luhateshin po në skajet e varfërisë dhe të pamundësisë për të gjetur ushqimin bazë. Sot është ndryshe.
Ndonëse uria ekstreme përgjithësisht mungon, përjashtuar raste gjithashtu ekstreme, shprehja e hershme e të moshuarve, është sërish në nivel alarmi: Goja rrezikon t’i hajë sërish shqiptarët! Kësaj here për shkak të frikës mbi çfarë konsumohet si ushqim.
Domate të skuqura më herët, pjepra të manipuluar, shalqinj jeshilë, kastravecë ekstremë që do të turpëronin edhe vanitetin e meshkujtve me mendjemëdhenj, djathtë me niseshte, mishra e sallame shumëvjeçarë, bukë pa proteina apo shumë e shumë produkte të tjera ushqimore të skaduara shndërrohen në armikun e egër në tryezën e çdo shqiptari.
Askush nuk di të thotë shkallën e rrezikshmërisë që vjen nga ushqime të tilla, të cilat, banditë të tjerë, keta lloj vrasësish të rinj serialë, që mund të jëbë fermerë, blegtorë, importues apo tregtues, e sjellin në këmbim të parave në shtëpitë shqiptare.
Ankthi është i qartë, por ky armik që është edhe real, edhe legjendë urbane në shumë raste, është edhe i vërtetë, por edhe ekzagjerim, histeri kolektive apo dhe luftë tregtare, luftohet sërish me mendësi të vjetra. Me gjuhë force, njëlloj si boksi në balet. Dhe vetëm më grushta e jo me mend. Në Tiranë besojnë se gjithçka duhet të pritet nga shteti dhe vetë shteti nuk di të bëjë më shumë se të sillet si polic me nerva. Që kujtohet kur i vjen halli tek dera dhe hakërrehet me arrogancë se do të bëjë namin, se do të mbushë burgjet me fajtorë dhe sulet në luftë me gjoba, kontrolle, heqje licensash, deri sa ndodh një hall tjetër dhe fushata për sigurinë ushqimore harrohet.
Në fakt, kësaj lufte i mungon aleanca më e domosdoshme e mundshme, ajo me qytetarin si hallka e fundin e konsumatorit. Vetë qytetari duhet të jetë edhe objekt, edhe subjekt i kësaj lufte duke kuptuar se askund në botë, beteja të tilla që zgjasin përgjithmonë, nuk fitohen vetëm me masa respresive. Çdo qytetar e ka të lehtë që aty ku dyshon, me mjete të thjeshta dhe në kushte shtëpie, të garantohet për cilësinë e shumicës së produkteve që konsumon. Duke kursyer dhembjen e tij, por dhe duke denoncuar më pas banditin që e ka detyruar të blejë të keqen me para. Në një rast të tillë, shteti duhet të kujtohet për atë që quhet edukim i publikut dhe duhet ta bëjë me mjetet e veta duke mos kursyer asnjë mjet.
Ndaj thuhet se është më mirë të dish se të kesh. Ndaj është kaq keq në Tiranë, sepse kësaj ane, as dihet dhe as kihen mend për të sjellë ndërmend mbrojtjen e duhur nga armiku i përbashkët që vjen në çdo tryezë. Që kërcënon fëmijë e të moshuar dhe i bën qesharakë të gjithë ata burra dhe gra seriozë që flasin për vota e veto dhe betohen për zgjedhje e zgjidhje.
8 komente në “Na hëngri goja!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ja ke fut kot, plako.
u fut edhe Lorenzi ne vathen e tellalleve te frikes..
turp per cdo gazetar te beje genjeshtarin
Na hengri vota e palire, e pandershme qe prodhon te tilla monstruozlleqe.Vota e Lire e Demokracia e jo Vota e Blere , Vjedhur e Pazarokracia.Hapni kutite vangjel e bejeni kete duke shkelur qofte te ligjet njerezore e fizike e te shohim si ndryshojne gjerat menjehere ketu.Respekti per voten eshte respekt per qytetarin e pergjegjshmeri e pergjigjshmeri.
Vetem mooti qe na japin politikanet dhe banalistet eshte bio por jo falas
Ja ke fut kot plako.Cfare ka ne dore qytetar mavria.Shtet leshi le te zere prite me specialistet e vet hajdute e taksambledhes per vete dhe une si qytetar kam detyrim ti jap mallin qe kam blere per ta verifikuar dhe ti tregoj pronarin qe e tregton kete mall.
Gazetari duhet të INVESTIGOJË raste konkrete dhe të DENONCOJË ME FAKTE. Kurse Lorenci ka marrë përsipër të MORALIZOJË, ndryshe nga Mentor Kikia, i cili sot ka peshuar bukën standarde dhe i ka dalë 290 gramë mangët!
Mirëpo HABITEM ME KOMENTUESIT e mësipërm që i hidhen në grykë Lorencit vetëm për faktin se pse si ngre me të drejtë një problem shqetësues dhe në interes të të gjithëve!!!
Nga kjo del se ose gjithçka është ose E KOMANDUAR ose E KOMPROMENTUAR QË TEK KONSUMATORI.
Po nëse SHTETI do të bënte disa shembuj dhe të paktën të ndihmonte me këshilla praktike ose më tepër se kaq, me qëllim që konsumatori të mund të krijonte një ide për standardet, kjo do të përbënte gjysmën e zgjidhjes…
Botë çudirash!!!
JA KE FUT PORDHES KOT O GJITHOLOGU YNE. PORDHES JA FUTET BASHKE ME PREÇIN ME PANARITIN QE NA ISHTE BETE SI GUZHINIER USHTRIE ME BUDALLALLEQET E TIJ.KRIJONI PASIGURI KOT ME KOTI KUR DIHET QE PRODHIMET BUJQESORE NE SHQIPERI JANE SHUME ME TE MIRA SE NE SHUME VENDE TE EUROPES.
Prodhimet bujqesore ne Shqiperi jane shume te mira. Zhurma behet nga gazetare joprofesionist. Konsumoni produkte shqiptare!