Te fundit
Jari i del në krah Tritanit kundër Dr. Kalos
22 Korrik 2019, 20:48Antena
TEMA
Mes polemikave të hapura për librin e doktor Kalos rreth “Bllokut”, është dhe ajo mes Tritanit dhe doktor Kalos.
Jari vendosi të ndërhyjë në këtë polemikë për të marrë anën e Tritanit, me qëllim që të shuheshin zërat se Tritani është shkarkuar nga Luli për shkak të kësaj polemike:
“Të nderuar demokratë,
Jari ju sqaron!
Eshtë krijuar një gjendje e paqartë rreth polemikave të Tritanit me doktor Kalon, ndërkohë që Doktori i ka shkuar në promovim dhe e ka respektuar.
Pamvarësisht kësaj, Tritani ka të drejtë në polemikën e tij me doktor Kalon, pasi ky i fundit spekulon me faktin që ka qenë doktor i diktatorit.
Po ta marrim nga kjo anë, Tritani e ka njohur shokun Enver që në gjimnaz, kur ishte 18 vjeç dhe ka pasur pritje speciale prej tij.
Ai ndërmori iniciativën për prishje të kishave dhe xhamive, dhe shoku Enver e priti në shtëpi.
Po të ishte për atë punë, Tritani ulej e shkruante një liër shumë herë më të fortë se doktor Kalo, dhe tregonte se si u gënjyen nga shoku Enver dhe i vunë kazmat gjithë kishave e xhamive.
Por Tritani nuk e ka bërë, se është burrë me dinjitet dhe nuk i shet eprorët.
Edhe kur u zu me Doktorin pas vitit 1997, ai nuk botoi libër kundër Doktorit.
Se mund ta bënte, pasi ishte krahu i tij i djathtë gjithë kohën.
Ai nuk shkroi kurrë asnjë rresht për masakrën që bandat komuniste bënë ndaj tij në stadiumin e Lushnjës.
Se po të ishte tip mburraveci, mund të bëhej hero duke treguar si e përdhunuan.
Pra ajo që bën diferencën mes Tritanit dhe doktor Kalos, është se Tritani bën ç’bën me udhëheqësit, nuk shkruan dhe nuk flet.
Kjo është shenjë e fortë karakteri dhe integriteti.
Ndaj ne duhet të jemi në parim me Tritanin, nuk është puna tek polemika konkrete.
Shqetësimet e shtuara se Luli e hoqi nga Gjirokastra, pasi ai bëri polemikë me doktor Kalon, dhe e zëvendësoi me Salianjin, nuk janë të vërteta.
Kjo lëvizje është një lloj ndëshkimi për Salianjin, jo për Tritanin.
Tritani vazhdon të mbetet njeri besnik dhe i përkushtuar dhe nuk e bën këtë për të shkruar libra, por se ashtu i shijon.
I juaji, Jari!”
1 komente në “Jari i del në krah Tritanit kundër Dr. Kalos”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Haha, bandat komuniste ne stadiumin e Lushnjes… Qysh atehere, tritani eshte frymezuar!! Nuk eshte rastesi!