Te fundit
Drita Haxhiraj: Që në 1972-’73, Naim Frashëri, Violeta Manushi, Sulejman Pitarka flisnin për Teatër të ri, aty kanë vdekur aktorë nga mushkëritë si Roland Trebicka
26 Korrik 2019, 10:27Kulturë
TEMA
Kryeministri Edi Rama ka postuar një tjetër deklaratë nga aktorët e njohur, për nevojë e ngritjes së një Teatri të ri.
Ai ka postuar amanetin e aktores Drita Haxhiraj, e shprehej disa kohë më parë, se beteja nuk mund të bëhet për muret.
Postimi i Rames
Aktorja e njohur Drita Haxhiraj, është ngjitur një jetë të tërë në skenën e Teatrit Kombëtar.
Ajo bën pjesë tek shumica e komunitetit teatror që kërkon ndërtimin e një Teatrit të Ri Kombëtar në vend të kapanonit të ushtrisë italiane, i cili u kthye në teatër gjatë komunizmit dhe mbeti një karakatinë gjithnjë e më jodinjitoze, deri sot e gjithë ditën.
Një gërmadhe që vetëm emrin ka teatër, e që as në ditët e veta më të mira nuk e ka lehtësuar, po e ka vështirësuar dhe dëmtuar aktivitetin artistik me kushtet e veta mizerabël, me hapësirat krejt të papërshtatshme për një teatër normal (lëre pastaj KOMBËTAR), me mungesën e mjediseve për aktorët e me radhë.
DRITA HAXHIRAJ:
Në atë godinë ruajmë kujtime të hidhura edhe të ëmbla. Godina është shumë e shtrenjtë për ne, është “Jerusalemi ynë”, siç ka thënë edhe Robert Ndrenika.
Por duhet t’ju them se gjendja e saj fizike është e rëndë. Kur ne futeshim poshtë skenës për të kaluar në anën tjetër, atje kishte lagështirë dhe myk.
Aty janë sëmurur shumë aktorë. Në vitet 1972-’73, Naim Frashëri, Violeta Manushi, Sulejman Pitarka diskutonin për të bërë një teatër të ri, sepse të gjithë po sëmureshin nga mushkëritë.
Pjetër Gjoka u sëmur nga mushkëritë. Për mos t’ju thënë edhe të fundit, që për shkak të mushkërive është ndarë nga jeta kolegu dhe partneri që nga fëmijëria, Roland Trebicka.
Vetë ata që e krijuan e ngritën si problem se duhet një teatër i ri. Ata donin vendin, territorin, por jo muret. Ky është amaneti i tyre!
Ne jemi me ta, që teatri të bëhet i ri dhe modern, jo për të kaluar radhën apo për të përfituar ndonjë tjetër. Të jetë aty ku është, të ndërtohet bukur edhe t’u vlejë brezave të ardhshëm.(TemA)
2 komente në “Drita Haxhiraj: Që në 1972-’73, Naim Frashëri, Violeta Manushi, Sulejman Pitarka flisnin për Teatër të ri, aty kanë vdekur aktorë nga mushkëritë si Roland Trebicka”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PO BEJENI MORE TEATRIN E RI.
PO JO KU TJU DOJ TRAPI JUVE, QE TE MERNI KOCKEN TUAJ E TE RRENONI SHQIPETARET.
PERMETARET JANE NJEREZ SHUME TE MIRE. PO TI O MERO NGA KE DALE KAQ I PANGOPUR ? KAQ I LEPIRE.
Ok zj Drita qofsh Mire.