Te fundit
DETAJET: 50 mijë € gjobë biznesmenit në Durrës, kapen 3 kriminelët e rrezikshëm
31 Korrik 2019, 10:56Kronika
TEMA
Policia ka arrestuar 3 persona në Durrës pasi akuzohen për gjobëvënie ndaj një biznesmeni.
Të arrestuarit janë -L. Z., 45 vjeç, banues në Fushë Krujë, me rrezikshmëri të lartë në fushën e krimeve ndaj personit, -E. Sh., 26 vjeç, banues në Krujë dhe -K. E., 40 vjeç, banues në Xhafzotaj, Durrës.
Deklarata e policisë:
Finalizohet me sukses operacioni policor i koduar “Gjobëvënësit”.
Operacioni nga Seksioni për Hetimin ndaj Personit e Pasurisë, në Drejtorinë Vendore të Policisë Durrës, në bashkëpunim me Forcat e Posaçme Operacionale të Drejtorisë së Përgjithshme të Policisë së Shtetit, nën drejtimin e Prokurorisë së Shkallës së Parë për Krimet e Rënda Tiranë.
Në pranga 3 shtetas për gjobëvënie ndaj një biznesmeni, njëri prej tyre me rrezikshmëri të lartë në fushën e krimeve ndaj personit.
Sekuestrohet një sasi eurosh, e paguar si kësti i radhës nga biznesmeni.
Pas një hetimi me metoda speciale, u finalizua me sukses operacioni policor i koduar “Gjobëvënësit”, si rezultat i të cilit u arrestuan në flagrancë shtetasit:
-L. Z., 45 vjeç, banues në Fushë Krujë, me rrezikshmëri të lartë në fushën e krimeve ndaj personit.
-E. Sh., 26 vjeç, banues në Krujë.
-K. E., 40 vjeç, banues në Xhafzotaj, Durrës.
Arrestimi i tyre u bë pasi këta shtetas në bashkëpunim me njëri – tjetrin me anë të kanosjes dhe dhunës, kanë shtrënguar për dhënien e një pasurie prej 50 000 eurosh, shtetasin N. L., banues në Durrës.
Gjatë operacionit, në momentin e ndërhyrjes, Policia u sekuestroi dy shtetasve të lartpërmendur shumën 5000 euro, të cilën e kishin vënë si këst të radhës për t’u paguar nga shtetasi N. L.
Gjithashtu në cilësinë e provës materiale u sekuestruan dhe 3 aparate celulare dhe 1 automjet.
Materialet do t’i kalojnë Prokurorisë Pranë Gjykatës së Shkallës së Parë për Krimet e Rënda Tiranë, për hetime të mëtejshme në ngarkim të shtetasve të lartpërmendur, për veprën penale “Shtrëngimi me anë të kanosjes ose dhunës për dhënien e pasurisë “, në bashkëpunim. (TemA)
3 komente në “DETAJET: 50 mijë € gjobë biznesmenit në Durrës, kapen 3 kriminelët e rrezikshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rrofte policia e shtetit.
Rrofte gjeneralimirditor zotri Sander Lleshaj.
Po pse si jepni emrat e plote?
Ptu parazit. Gjithe aj djal nuk i vjen turp te jetoje me djersen e tjetrit. Burg kriminelve.