Te fundit
Humbje e "MADHE"
23 Gusht 2019, 20:02Blog
TEMA
Gjini Dona
Po jetojmë kohën ku në fusha të caktuara po humbasim njerëz të mëdhenj, të shquar, të mençur, njerëz që me punën e tyre, në këto kohë tranzicioni, janë përpjekur t’i japin vlera shoqërisë tonë që po gërryhet nga kalbëzimi moral. Dhe me të drejtë media i ka bërë jehonë dhe njerëzit e thjeshtë kanë ndarë lajmin për humbjet në art, letërsi, gazetari etj.
Por në të ardhmen e afërt, dhe Larg Qoftë, (se nuk kam asgjë personale dhe lutem të mos i ndjell keq,) një ditë të gjithëve do na vijë radha të vdesim, do t’i lutesha medias që të bëjë kujdes me këto Jehonat e Humbjes së Madhe!
Le të provojmë, por gjithmonë Larg Qoftë!
Vdiq Sali Berisha (apo edhe ndonjë e sojit të tij prej politikani majtas a djathtas) Ju lutem mos na thoni Humbje e Madhe për politikën mbarë shqiptare, politika në zi!
Vdiq Qim Peka (apo edhe siamezë të tjerë gazetarë e analistë të këtij soji) ju lutem mos na thoni Humbje e Madhe për gazetarinë shqiptare, gazetaria në zi!
Vdiq Fahri Balliu:- ju lutem mos na thoni Humbje e Madhe për Median, media në zi!
Vdiq Koço Kokëdhima: ju lutem mos na thoni Humbje e Madhe për Biznesin, biznesi në zi!
Vdiq Ardian Fullani (apo edhe kokrra të tjera të këtij kallëpi): ju lutem mos na thoni Humbje e Madhe për financat shqiptare, dollari, euro dhe leku në zi.
Vdiq humoristi dhe aktori i “Madh” (ka shumë nga këta minjtë e tranzicionit që po e brejnë artin, që kanë marrë famë nga një tufë ndjekësish injorantë, bëjnë show e filma, këngë, xing, madje edhe LIBRA):- Ju lutem mos na thoni Humbje e Madhe për artin shqiptar, arti në zi!
Vdiq Armando Duka:- ju lutem mos na thoni Humbje e Madhe për sportin shqiptar.
Etj.!…
Psh nga drejtësia (m’i hoqi vetingu para kohe, megjithëse ka akoma)
Emri Mbiemri: ju lutem mos na thoni Humbje e Madhe për Drejtësinë Shqiptare.
Se kur të vdesin ata, artistët e vërtetë nuk dimë ku do të gjejmë fjalët e duhura dhe askush nuk do të na besojë më si në përrallën “Ujku, …ujku”
Këto janë humbje, por jo për shoqërinë, janë thjesht humbje njerëzore për familiarët.
6 komente në “Humbje e “MADHE””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
BUKUR, TE LUMTE
Shume i modh Gjin, shume e vertete, ke shume te drejte…, me keto humbjet e mediokritetit, mjere populli..hahaha
E sakte,plotesisht e sakte.
Me shume vend!!
Te lumte . I ke rene pikes.
Te lumte . I ke rene pikes. Sidomos vdekja e Fahri Balliut dhe Qim Pekes.