Te fundit
Basha, pas takimit me aleatët: PS duhet të marrë përgjegjësi për gjendjen, ne jemi gati
5 Shtator 2019, 21:22Politika
TEMA
Kreu i Partisë Demokratike, Lulzim Basha, ka deklaruar se raporti i OSBE/ODIHR mbi zgjedhjet e 30 qershorit tregoi se në Shqipëri nuk ka shtet dhe as institucione.
Sipas kreut të opozitës, sot ndeshemi me një shtet privat, kriminal dhe personal të Edi Ramës, që ka zëvendësuar shtetin e së drejtës.
Në një dalje për media pas takimit me aleatët e PD, Basha deklaroi se e vetmja rrugë për të dalë nga kjo gjendje janë zgjedhjet e lira e të ndershme, pa Edi Ramën kryeministër.
Basha u shpreh se opozita do të ofrojë një platformë kombëtare për daljen e vendit nga kriza, ndërsa shtoi se do te vijojne protestat, por nuk eshte caktuar ende nje date.
“Këtu vjen edhe vlera dy e raportit, sepse ka treguar se në Shqipëri nuk ka shtet, s’ka institucione. Nuk janë rrëzuar vetëm KQZ dhe infrastruktura zgjedhore, raporti tregon se këtu ka rënë shteti, drejtësia, gjykatat, është shkelur çdo ligj, janë përfshirë në shkelje dhe përdhunim të ligjit nga kryeministri deri të vëzhguesi më i thjeshtë.
Kjo ka ardhur, sepse në Shqipëri ka marrë fund shteti i së drejtës dhe raporti tregon se Rama nuk ka varrosur vetëm zgjedhjet, por edhe shtetin e së drejtës, dhe bashkë me këto ka varrosur edhe ekonominë, e së fundi paratë e shqiptarëve në gropat e oligarkisë dhe krimit të organizuar.
Sot ndeshemi me një shtet privat, kriminal, personal të Ramës, që ka zëvendësuar shtetin e së drejtës. Ndaj prioriteti ynë kryesor është t’i hapim menjëherë fund kësaj gjendjeje, që nis duke vendosur demokracinë.
E vetmja rrugë janë zgjedhjet e lira e të ndershme të mbajtura nën kujdesin e një qeverie tranzitore.
PS duhet të marrë përgjegjësitë për gjendjen ku e ka katandisur vendin nën drejtimin e Ramës, i cili duhet të largohet për t’i hapur rrugë zgjidhjes.
Është koha t’i kthehemi zgjedhjeve të lira e të ndershme.
Ne si opozitë kemi folur sot rreth përgjegjësive që kemi dhe në respekt të tyre, siç kemi hedhur disa hapa domethënës, jemi gati të ofrojmë edhe një platformë kombëtare për daljen e vendit nga kriza sepse gjenda është kaq e rëndë sa largimi i Edi Ramës nuk mjafton”, deklaroi Basha.
Lini një Përgjigje
Më të lexuarat
24 oret e fundit
Javen e fundit
Blog Tema
