Te fundit
Derbi, Refik Halili: Përgjegjës është kompania që mori përsipër ndeshjen. Akt Terrorist? Hetimet provojnë diçka tjetër
1 Tetor 2019, 16:24Sport
TEMA
Presidenti i Ekipit të Futbollit Tirana Refik Halili në një rrëfim ekskluziv këtë të martë për Top Talk foli për dhunën që i parapriu derbit me Partizanin këtë të shtunë.
Ai dënoi dhunën dhe u distancua nga ngë një grup tifozësh të papërgjegjshëm sipas tij që po penalizojnë të gjithë imazhin dhe Klubin e Tiranës. Halili iu kundërpërgjigj edhe akuzave të Klubit Partizani që pretendon se në stadium u shmang një akt terrorist.
“Nuk ka asnjë element që të provojë këto pretendime”, thotë kreu i bardhë e bluve.
“Hetimet do të tregojnë se objektet e gjetura që pretendohet se ishin eksploziv, janë thjeshtë tymyese ngjyrë blu të vendosura nga individë që kundërshtojnë vendimin e mëparshëm të klubit të Tiranës që në Stadiumin “Selman Stërmasi” të lejohet të luajë edhe klubi rival i Partizanit”, tha ai.
Halili ngarkon me përgjegjësi kompaninë që kishte marrë përsipër sigurimin e eventit pasi sipas tij nuk ka kryer siç duhet kontrollin fizik të tifozëve për mjetet dhe parrullat e ndaluara.
“Tirana distancohet nga çdo akt i dhunshëm fizik ose verbal “- tha presidenti i klubit bardhë e blu.
1 komente në “Derbi, Refik Halili: Përgjegjës është kompania që mori përsipër ndeshjen. Akt Terrorist? Hetimet provojnë diçka tjetër”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po per banderolen fashiste ke gje per te shtuar?