Ja pesë "kushtet" e Lulzim Bashës ndaj Ramës, për reformën zgjedhore

Pas takimit të sotëm me aleatët Lulzim Basha tha se i ka dërguar pesë kushte Edi Ramës për reformën zgjedhore, pas të cilave, nëse nuk i pranon, ai duhet të hapë krahun.

Gazeta po boton të plota kërkesat e Lulzim Bashës, të cilat në fakt nuk janë pesë pika, por vetëm një refuzim i tryezës.

1.Opozita e Bashkuar i përgjigjet pozitivisht ftesës së partnerëve ndërkombëtarë për reformimin e kuadrit ligjor për zgjedhjet në Shqipëri.

1.1. Si një nga kushtet për integrimin e Shqipërisë, Opozita e Bashkuar angazhohet të mbështesë realizimin e reformës zgjedhore.

1.2. Reforma e vërtetë Zgjedhore duhet të realizohet nga institucione apo subjekte zgjedhore që kanë vullnet për të garantuar zgjedhje të lira dhe të ndershme dhe që nuk janë objekt i hetimeve për vjehdjen e zgjedhjeve, si në dosjet nr. 184/2016 apo nr. 339/2017,

1.3. Diskutimet mbi Reformën Zgjedhore duhet të jenë transparente, gjithëpërfshirëse dhe publike, duke përfshirë në hartimin e saj edhe përfaqësues të të gjitha grupeve të interesit dhe shoqërisë civile.

1.4. Asnjë komision parlamentar , I drejtuar nga individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore. Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare.

1.5. Opozita e Bashkuar propozon që procesi të drejtohet nga një strukturë e përbërë nga përfaqësues të organizmave ndërkombëtar (OSBE/ODIHR, BE, SHBA, etj.), një përfaqësues i Parlamentit monopartiak dhe një përfaqësues i Opozitës së Bashkuar.

Produkti i dakordësuar nga kjo strukturë, pasi i nënshtrohet konsultimit me publikun, nëpërmjet formave dhe metodave që mundësojnë marrjen e mendimit të qytetarëve, miratohet pa ndryshime.

2.Reforma Zgjedhore është e nevojshme për përmirësimin e aspekteve teknike të organizimit të zgjedhjeve, por e pamjaftueshme për të garantuar zgjedhje të lira dhe të ndershme.

2.1. Ligji elektoral dhe legjislacioni penal që mbron zgjedhjet demokratike më së pari janë të nevojshme të zbatohen. Asnjë Reformë nuk mund të jetë e suksesshme nëse nuk ekziston vullneti politik dhe institucional për të zbatuar ligjet në fuqi.

2.2. Opozita e Bashkuar mbështet qëndrimin e Misionit të OSBE-ODIHR se “Kuadri ligjor aktual mund të ofronte një bazë të shëndoshë për zgjedhje demokratike, nëse do të zbatohej në mënyrë të paanshme dhe me një vullnet të sinqertë politik”. Për pasojë, organet e zbatimit të ligjit duhet të hetojnë në mënyrë të plotë, të menjëhershme dhe transparente çdo akuzë për shkelje zgjedhore:

2.3. Duhet vullnet politik dhe një mekanizëm konkret të zbatueshëm për të realizuar ndarjen e plotë të politikës nga krimi. 2.4. Zbatimi i Rekomandimeve teknike të OSBE-ODIHR kërkon ndërhyrje në legjislacionin në fuqi, duke përfshirë Kodin Zgjedhor, ligjin e administratës publike, ligjin për Policinë e Shtetit, Ligjin për Mediat Audio-Vizive, etj.

3.Diskutimi për Reformën Zgjedhore duhet të kryhen sipas një rendi përparësish, me qëllim zgjidhjen e problematikave që kërkojnë vullnet politik për të garantuar zgjedhjet demokratike dhe qeverisjen përfaqësuese dhe kushtetuese, dhe më pas me zgjidhjen e çështjeve me karakter teknik.

4Ofrimi i garancive shtetërore për barazi të subjekteve zgjedhore dhe zhvillimin e zgjedhjeve demokratike që garantojnë ushtrimin efektiv të së drejtës kushtetuese për të zgjedhur dhe për t’u zgjedhur. Qeveria aktuale nuk ofron asnjë garanci për ndarjen e shtetit nga partia apo politikës nga krimi, duke patur nën kontroll KQZ, policinë, shërbimin informativ, prokurorinë dhe gjykatat.

5.Ofrimi i garancive për vendimmarrje të drejtëpërdrejtë

Rama "harron" votën e emigrantëve

20:07 Politika

Fatos Lubonja: Duhet t'i themi Bundestagut gjerman dhe BE-së, se problemi i këtij vendi është Edi Rama

19:13 Politika

Banka e Shqipërisë i përgjigjet Lulzim Bashës: Nuk ka asnjë provë për pastrim parash

18:40 Politika

Vangjel Dule: Rama duhet të dorëhiqet pasi nuk është legjitimisht i zgjedhur, ja rruga e shpëtimit që duhet të ndjekë

17:58 Politika

Fatmir Mediu i shqetësuar për reformën në drejtësi: Duhet bërë një vetting më preferencial sa i përket njerëzve që duhet të jenë në Gjykatë Kushtetuese apo Gjykatën e Lartë, vendi ka nevojë për një sistem drejtësie të pavarur

17:50 Politika

Basha i përgjigjet Ramës me Nard Ndokën: O rrangallë, fundi yt dihet. Mire që jemi ne, që po i dalim për zot vendit

17:20 Politika

FOTOT: Avioni i mallrave “driblon” ndërtesat e larta

17:23 Politika

"Ishte tradhëtar dhe spiun i Serbisë", PD del në mbrojtje të statujës së Ahmet Zogut: Ai është figura jonë historike më e ndritur, meriton respekt maksimal nga çdo shqiptar

15:55 Politika

“Kryeministri të hapë krahun”, Rama tallet me Bashën: Është njësoj si një karrocë me kalë t’i thotë një treni hapu

14:41 Politika

Olldashi rrëzon Salianjin, Alizoti “masakron” ish- deputetin në gjyq: Bëra çfarë më the për të marrë paratë, hap kamerat kur jemi takuar në PD. Zbulohen tabulatet ku flet me "Babalen" për kurthin ndaj Xhafajt

15:04 Politika