Te fundit
VIDEO/ "Arena Kombëtare", Armand Duka: Është një objekt që nuk do luhet vetëm futboll. Kulla, një simbol që të orienton te stadiumi
2 Tetor 2019, 18:11Sport
TEMA
Kanë mbetur edhe pak ditë nga inagurimi i shumëpritur i “Arenës Kombëtare”. Në një intervistë për emisionin “Ora e Tiranës”, të moderatores, Fjoralba Ponari, presidenti i Federatës Shqiptare të Futbollit, Armand Duka, ka zbuluar disa detaje tepër të rëndësishme në lidhje me impiantin modern që është drejt përfundimit.
Kreu i FSHF-së nuk ka nguruar të flasë edhe për të ardhmen e trajnerit Edi Reja si dhe për ecurinë e ekipit Kombëtar, duke u shprehur:
“Hyrja e stadiumit nuk ka ndryshuar, është siç ka qenë në vitin 1939-të. Brenda hyrjes gjithçka ka ndryshuar. Kemi nisur një proçes për të komericalizuar emrin e stadiumit. Një eksperiencë botërore.
Nëse do isha unë i anketuar, apo i një fushe tjetër, do të thoja pse jo t’i vija një emër të një futbollisti apo një politikani. Ky stadium do financa për t’u mirëmbajtur.
Nëse dikush financon, do isha dakord që të bënim një anket për emrin. Ky është stadium që pret një emër.
Është një objekt që jo vetëm do luhet futboll, por do të vizitohet edhe nga turistë të ndryshëm.
Është një muze me historinë e Tiranës. Në pjesën e poshtme, nëpërmjet nënkalimit, futen sportistët dhe pjesa organizative e ndeshjes.
Ka një paradhomë, si mencë, në të cilën futbollistët mund të hane, para ndeshjes, ose pas ndeshjes. Do ketë dhoma masazhi për futbollistët, dhomë akulli për rikuperim”.
Sa ju ka bindur Reja?
Edi Reja ka një eksperiencë shumë vjeçare, më shumë se 1000 ndeshje. Që është një ekspert i mirë kjo nuk diskutohet. Në futboll duhet dhe fat. Rezultati me Islandën na dha pozitivitet. Mendoj që është trajneri i duhur për ta ndihmuar Shqipërinë dhe për të bërë një rinovim të mirë, për të qenë pretendent në National Ligue dhe në eliminatoret e Botërorit.
Si do të jenë çmimet e biletave?
Afërsisht të njëjta siç kanë qenë edhe më përpara. Sipas rëndësisë së ndeshjes. Pak a shumë të njëjta siç kanë qenë në Elbasan apo në Shkodër.
Tribuna VIP ka më shumë se 1000 vende. Në katin e tretë janë mediat dhe salla VIP. Ka pasur shumë komente dhe do ketë për kullën. Ne me shumë pak mundësi kemi një stadium të bukur. Kulla më duket një objekt i bukur dhe një simbol që të orienton te stadiumi. Nëse nuk do kishte një biznes, ishte e vështirë të kishte një stadium.
Hyrjet dhe stolat janë komode. Ka sheshpushime mes kateve. Hyrjet janë elektronike. Kontrolli i sigurisë është nivel i lartë. Një gjë e veçantë e këtij stadium është që asnjë spectator nuk mund të laget nga shiu, në asnjë lloj ere apo furtune. Në tribunën VIP streha nuk është në të njëjtin nivel.
Çfarë duhet të presim nga Kombëtarja?
Të gjitha këto gjërat bëhen për Kombëtaren. Për një gjë jam shumë i sigurtë, që ekipi jep maksimumin, e bën me dëshirë këtë punë. Shumë Kombëtare të tjera kanë vështirësi motivuese. Futbollistët tanë mërziten nëse nuk i fton. Grupi jonë është i vështirë. Rezultati negative me Turqinë mund të na paralizojë. Është e vështirë të jemi pjesë e Europianit. Do ti luajmë shanset deri në fund. Edhe Andorra dhe Moldavia do të bëjnë maksimumin deri në ditën e fundit, edhe ne do të bëjmë maksimumin.
A do të jetë stadiumi i hapur me Francën?
Të dyja ndeshjes me Andorrën dhe Francën do të luhet në këtë stadium. Besoj deri në atë kohë do të ketë dhe një emër. Do të ketë një ceremoni madhështore. Do të jetë dhe president ii UEFA-s dhe FIFA-s. Do të ketë një festë.
13 komente në “VIDEO/ “Arena Kombëtare”, Armand Duka: Është një objekt që nuk do luhet vetëm futboll. Kulla, një simbol që të orienton te stadiumi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te orienton “Kulla” ????!!!!!!!!!!!!
Te orienton emri ” Stadiumi Qemal Stafa ” gjytyrym i korruptuar
Nuk po shoh asnje vidjo. Apo edhe per vidjon duhet paguar Duka?
Eja mblidhuni këtu
te kulla,
që orienton gjithë shqiptarët
Se paret e kullës
janë orientu
te zullumqarët!
…
Gjithë jetës, ne tironsit
jemi orientu
Ke Bulevardi, ke Dajti, … ke Skënderbeu
u desh të vinte ky kokshpulla
të na orientojë ku bën ky paret
Ke Kulla!
Une mendoj tja veni emrin stadiumi Sali Berisha
Une mendoj qe emrin t’ia vendsni “GISHTI”!Diçitura eshte gishti i i Edi Rames duke u thene opozitareve “Hypni ketu e shikoni Stambollin”!Kur ia thane Saliu kete nenkuptim aiu pergjigj i inatosur :Lulezim ,Lulezim te kam than se ka me na i fut!Ndaj ai gisht duhet me u thye me ç’do kusht!
Dikur nuk luhej vetem futboll.
Kishte piste atletike, hedhje grope, etj. Sot nuk ka me piste, sepse ju dha bixneseve.
Stadiumi kombetar duhej bere olimpik ku te zhvilloheshin edhe kampionate eurpiane.
kulla eshte te orientohen katnaret ne tirone. ku takohena, ke kulla stadiumit, no more tali taterbeut.
Nuk e ndryshon dot emrin.
21 Dhjetori me gjithse quhet tani sheshi “Atatürk”,nuk e njeh njeri me kete emer,po ashtu “zogu I zi ” !
Ai do mbetet “Qemal Stafa ” !?
Eja mblidhuni këtu
te kulla,
që orienton gjithë shqiptarët
Se paret e kullës
janë orientu
te zullumqarët!
…..
Gjithë jetës, ne tironsit
jemi orientu
Ke Bulevardi, ke Dajti, … ke Skënderbeu
u desh të vinte ky kokshpulla
të na orientojë ku bën ky paret
Ke Kulla!
Kulla eshte per te orientuar njerezit per ke stadiumi???!!! Tyryryryryryryry
Simboli i korrupsionit dhe i babezise shqiptare
O Armand nuk jemi katunar ne qe te orientohemi prandaj mos genje te pakten.
Puna eshte se jane bere shume kulla dhe do ngaterrohet mileti.Normalisht kur cdo sekonde fut ne xhepin tend miliona euro edhe fantazia per te justifikuar marrezine e hajdutllekut nuk mungon.Une do te thoja se kulla simbolizon se sa ja kane futur popullit shqiptar Rama me shoke keta gjashte vitet e fundit.