Pas reagimeve të jashtëzakonshme që shkaktoi dhënia e Nobelit të sivjetshëm të letërsisë shkrimtarit Peter Handke, një përkrahës i regjimit të Sllobodan Milloshevicit, foli dhe Akademia Suedeze.

Sekretari i përhershëm i saj, Mats Malm, tha për New York Times se komiteti i bën përzgjedhjet mbi baza letrare dhe estetike dhe se “nuk është mandati i akademisë të balancojë cilësinë letrare kundrejt konsideratave politike”.

CNN-i po ashtu kërkoi një koment lidhur me vendimin polemizues, jehona negative e të cilit, vazhdon ende. Përgjigja që mori gjigandi mediatik amerikan ishte se “asnjëherë nuk i komentojmë përzgjedhjet e pavaruara të cilat jepen nga institucionet që zgjedhin laureatët për Çmime Nobel”.

Romani i parë debutues i Handke “Die Hornissen” u botua në 1966, dhe vepra e tij e vitit 1970 “Die Angst des Tormanns beim Elfmeter”, u kthye në film nga regjisori i njohur gjerman Wim Wenders.

Sipas analistit Florian Bieber nga Universiteti i Gracit, ajo që e bën këtë zgjedhje edhe më problematike është fakti se idetë e Handkes pro nacionalizmit serb, janë reflektuar edhe në punën e tij.

“Ai ka këmbëngulur në mbrojtjen e bërë atij që unë do ta quaja pozicion nacionalist serb”, tha Bieber.

Kjo, shtoi analisti, e bën dhënien e çmimit shumë problematike sepse nuk janë vetëm deklaratat e tij politike, por i ka përfshirë në shkrimet e tij dhe tre libra që reflekton këto pikëpamje, dy nga të cilët shënime udhëtimesh dhe një skenar për pjesë teatrale.

3 komente në “Kritikat ndaj Nobeli për Handke, reagon Akademia Suedeze: Ne përzgjedhjet i bëjmë mbi baza letrare dhe jo politike”

blerta says:

12 Tetor, 2019 16:26 te 4:26 pm

Eshte skandaloze kur nje institucion behet kaq i turpshem……
Shikoni cfare llogjike idjote….
Jepjani nje medalje dhe Hitlerit…?

Përgjigjjuni
Kulufi says:

12 Tetor, 2019 16:58 te 4:58 pm

Me kte arsyetim mund ti jepni dhe Hitlerit nje cmim si piktor, se ne fund te fundit juve ju intereson vetem estetika, jo politika.

Përgjigjjuni
vang says:

12 Tetor, 2019 20:14 te 8:14 pm

Ne mendojme se ne KOMISIONIN E NOBELIT duhet te kete njerez qe te pakte edhe sikur shija e tyre letrare te mos jete ne lartesine e duhur te pakten disa parime jane te pa kundershtueshme .Nje shkrimtar i talentuar qe zotron ato qe e bejne te shquar si stili letrar.narracioni,vertetesia artistike,realizmi e shume vecori te tjera nuk pushon se shpalluri ne menyre artistike botkuptimin e tij,nivelin e formimit.,emancipimin shoqeror e te tjera pervec talentit artistik qe permendem me pare.Pare ne kete veshtrim Komisioni nuk na e mbush mendjen per kriteret sepse sado stil te zgjedhur te kete nje person me pikpamje fashiste asgje tjeter nuk ka vlere.Lere se c;thote vete ”fituesi”por edhe intelektualet perparimtare serb,sado pak te jene.nuk e vleresojne personalitetin e tij.Komisioni le te shpalle fitues po te doje edhe ndonje talent qe mund te jete dhe vrases perderisa Handke justifikon genocidin. Si eshte e mundur? Ku qendrojne vlerat njerezore???Kjo gjoja xhveshje nga gjoja qendrimi politik eshte i pa sinqerte sepse qendrimi duhet te jete njerzor per vlerat e leximit ,qellimin dhe hedonizmin.Njerezimi nuk duhet te edukohet dhe te mesohet me te keqen.

Përgjigjjuni