Te fundit
LETRA/ Donald Trumpi i shkruan Erdoganit: Mos bëj të fortin, mos u bëj budalla
17 Tetor 2019, 08:13Politika
TEMA
Gazetarja amerikane e Fox News, Trish Regan, ka publikuar një letër të cilën Trump ia ka dërguar presidentit turk, Rexhep Taip Erdogan.
Në këtë letër, presidenti amerikan i kërkon homologut turk të bëjë marrëveshje me kurdët e Sirisë, ose historia do ta ndëshkonte si “djall” dhe SHBA-të do ta shkatërronin ekonominë e Turqisë.
“S’do të duash të jesh përgjegjës për vrasjen e mijëra njerëzve. Dhe unë s’dua të jem përgjegjës për shkatërrimin e ekonomisë turke. Dhe kam për ta bërë”, kërcënon Trump në letrën e shkruar më 9 Tetor, të publikuar nga Fox News këtë të mërkurë.
Trump i bën thirrje Erdoganit të bëjë marrëveshje paqeje me Forcat Demokratike Siriane, duke theksuar se gjenerali kurd, Mazllum Kobani, do të ishte i gatshëm të bënte lëshime që nuk do t’i kishin bërë kurrë më parë.
“Mos bëj të fortin. Mos u bëj budalla”, i shkruan Trump presidentit turk. “Jam munduar shumë që t’i zgjidh disa probleme tuajat. Mos e zhgënje gjithë botën. Mund të arrish një marrëveshje shumë të mirë.”
Pasi Amerika vendosi të largohet nga Siria veriore, ku kishte bashkëpunuar prej kohësh me forcat kurde kundër ISIS-it, duke u garantuar mbrojtje nga Turqia, presidenti turk, Rexhep Taip Erdogan, ndërmori një fushatë ushtarake kundër forcave kurde.
Bombardimet nga ajri u ndoqën nga një pushtim nga toka, gjë që solli vrasjen e një politikaneje kurde, sulmin e një autokolone me gazetarë dhe largimin e 275 mijë banorëve nga shtëpitë e tyre. Për këto, OKB thotë se Turqia mund të mbajë përgjegjësi për krime lufte.
Trump, ndërkohë, ka thënë se problemet midis Turqisë dhe Sirisë duhet të zgjidhen mes tyre dhe se ushtarët amerikanë s’kanë pse të rrinë në rajon.
“Situata atje është strategji gjeniale për SHBA-të. Siria është miqësore me kurdët. Dhe kurdët dinë të mbrohen. Nuk është se dhe kurdët janë engjëj”, tha Trump nga Zyra Ovale, pasi mori kritika edhe nga vetë republikanët për tërheqjen e papritur. Ata e quajtën katastrofë edhe më të madhe se tërheqja e Obamas nga Iraku. Megjithatë, Trump ka premtuar të vendosë sanksione të ashpra kundër Turqisë, nëse nuk arrihet një armëpushim.
2 komente në “LETRA/ Donald Trumpi i shkruan Erdoganit: Mos bëj të fortin, mos u bëj budalla”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rastet kur me pelqejne qendrimet e Trump-it nuk jane te shpeshta, por atehere kur me pelqejne, me pelqejne shume fare.
Duket si muhabet rrugacesh.
Ne ship do ishte:
Ej , o Erdogano, mos bo gabim ti bish kurdeve se do besh gabim te madh. Ke per ta pagu shtrenjt. Ka me te mallku lagja ….
Provoje ti bish , po do ta shofes po nuk ta hudha ne ere dyqanin ku shet gruja jote … kam per ta bastardu krejt bisnesin tend.
Po te mos jete Amerika ne rolin e policit, ia kercet turqia dhe fillon te sulmoje gjysmen e botes si dikur kur ishte perandoria Otomane.
Dhe shume shpejt lufta e trete boterore po afron. Kete here do jete turqia qe do ta filloje.
Kjo duket mire edhe me vendimin e Makron per te lene ne meshire te fatit (te turqise) Shqiperine dhe Maqedonine qe iu refuzua futja ne Europe.