Kush përdor qese plastike gjobë nga 30 mijë- 100 mijë lekë, masat në projektligjin e ri

Qeveria synon që të vendosë nën kontroll përdorimin  qeseve plastike duke aplikuar tashmë masa edhe për përdoruesit e tyre. Një draft ligj i Ministrisë së Turizmit dhe Mjedisit e shton listën e masave administrative edhe me një pikë që lidhet direkt me ata që i përdorin këto qese që janë në kundërshtim me kërkesat që cakton ligji. Konkretisht në draft në nenin 3 thuhet se në ligj shtohen dy pika.

“Çdo person që përdor në territorin e Republikës së Shqipërisë qese plastike mbajtëse, qese të lehta plastike mbajtëse, qese shumë të lehta plastike mbajtëse, si dhe qese plastike mbajtëse të oxo-degradueshme apo oxo-biodegradueshme, sipas përcaktimit të pikës 3 të nenit 29, të këtij ligji, dënohet me gjobë, në vlerën nga 30 000 (tridhjetë mijë) deri në 100 000 (një qind mijë)  lekë” thuhet në draft. I njëjti shton edhe pikën tjetër ku çdo person, që hedh në treg, prodhon, importon, apo fut në territorin e Republikës së Shqipërisë qese plastike mbajtëse, qese të lehta plastike mbajtëse, qese shumë të lehta plastike mbajtëse, si dhe qese plastike mbajtëse të oxo-degradueshme apo oxo-biodegradueshme, sipas përcaktimit të pikës 3 të nenit 29, të këtij ligji, dënohet me gjobë, në vlerën nga 1 000 000 (një milion) deri në 1 500 000 (një milion e pesëqind mijë)  lekë.

Draft ligji që është nxjerrë për konsultim parashikon që masat të hyjnë në fuqi vitin e ardhshëm dhe të shoqërohen edhe me aktet e tjera nënligjorë.

Kështu dispozitat kalimtare sanksionojnë që subjektet të cilat para hyrjes në fuqi të këtij ligji, prodhojnë, importojnë, apo hedhin në treg, në territorin e Republikës së Shqipërisë qese plastike mbajtëse, qese të lehta plastike mbajtëse, qese shumë të lehta plastike mbajtëse, si dhe qese plastike mbajtëse të oxo-degradueshme apo oxo-biodegradueshme, sipas përcaktimit të pikës 3 të nenit 29 të këtij ligji, ndalojnë ushtrimin e këtyre veprimtarive brenda datës 1 Shkurt 2020.

“Subjektet të cilat fusin apo përdorin në territorin e Republikës së Shqipërisë qese plastike mbajtëse, qese të lehta plastike mbajtëse, qese shumë të lehta plastike mbajtëse, si dhe qese plastike mbajtëse të oxo-degradueshme apo oxo-biodegradueshme, sipas përcaktimit të pikës 3 të nenit 29 të këtij ligji, ndalojnë ushtrimin e këtyre veprimtarive brenda datës 1 Qershor 2020. Ngarkohet Këshilli i Ministrave që brenda 1 muaji nga hyrja në fuqi e këtij ligji të nxjerr aktin nënligjor në zbatim të pikës 3, të nenit 29 të këtij Ligji” thuhet në draft. (monitor)

Këto janë ushqimet që nuk duhet t’i konsumojmë asnjëherë me stomakun bosh

15:16 Sociale

Basketbollistja e famshme shqiptare emërohet administratore e re e Njësisë 10 në Tiranë

12:58 Sociale

FOTOT: U shkatërrua nga tërmeti, vijon puna për rindërtimin e shtëpisë së familjes Matera në Ndroq

11:01 Sociale

Iris Luarasi deklaroi se e kishte ngelur, Arbana Osmani i përgjigjet: Nota s’të bën ngelës e as dështak

10:01 Sociale

“E tmerrshme ku kemi përfunduar kështu, me gazetarë si Fevziu e Zheji”

09:20 Sociale

Blerina Gjylameti, pas aksidentit të tmerrshëm të vëllait: Bëhuni njerëz e mos u merrni me aludime

19:14 Sociale

"Mos parko para lokalit": Pronari i lokalit në Tiranë ia nxjerr makinën në mes të rrugës, ndërsa i zoti i makinës ishte në punë

17:55 Sociale

Një lajm shumë i mirë nga Vlora!

17:15 Sociale

Rikthehet ora dimërore: Të dielën më 27 tetor, akrepat një orë prapa

15:40 Sociale

Nis sezoni i mbjelljeve, Veliaj: Synimi 150 mijë pemë

14:03 Sociale