Erdogan: Vrasja e Al-Baghdadit, pikë kthese në luftën kundër terrorizmit

Presidenti i Turqisë, Recep Tayyip Erdogan, tha se vrasja e udhëheqësit të grupit militant Shteti Islamik, Abu Bakr al-Baghdadi, është një “pikë kthese” në luftën kundër terrorizmit.

“Vrasja e udhëheqësit të Daesh-it shënon një pikë kthese në luftën tonë të përbashkët kundër terrorizmit”, tha Erdogan në Twitter, duke përdorur një emër tjetër për Shtetin Islamik.

Presidenti i Shteteve të Bashkuara, Donald Trump, njoftoi të dielën për vrasjen e Al-Baghdadit, në një sulm të forcave amerikane në fshatin Barisha të provincës Idlib, në veriperëndim të Sirisë.

Erdogan tha se Turqia “do të vazhdojë t’i mbështesë përpjekjet anti-terroriste, ashtu siç ka bërë edhe në të kaluarën”.

“Jam i sigurt se lufta vendimtare kundër terrorizmit, në përputhje me frymën e aleancës, do të sjellë paqe për gjithë njerëzimin”, tha Erdogan.

Ministria e Mbrojtjes e Turqisë tha se “ka pasur koordinim dhe shkëmbim të informacioneve” me Shtetet e Bashkuara, para operacionit për vrasjen e Al-Baghdadit.

Al-Baghdadi ka qenë një nga terroristët më të kërkuar në botë. Në kulmin e fuqisë më 2014 dhe 2015, grupi Shteti Islamik ka kontrolluar një sipërfaqe prej 88,000 kilometrash katrorë që shtrihej nga Siria perëndimore në Irakun lindor.

Kush ishte njeriu që bëri të mundur gjetjen e liderit të Shtetit Islamik

10:18 Bota

Një fitore kundër errësirës dhe një lajm për myslimanët dhe shqiptarët

09:54 Bota

PROFIL/ “Vdiq duke qarë e bërtitur”: Kush ishte dhe si u vra njeriu që terrorizoi botën

09:50 Bota

Vdekja e liderit të ISIS, dyshimet e Rusisë: Nuk ka asnjë provë

09:22 Bota

Një grua ishte burimi kryesor i informacionit për vrasjen e kreut të ISIS

08:29 Bota

E majta fitoi - rënie e madhe e CDU dhe SPD

19:17 Bota

Princi Harry rrëfen pse nuk flet me William dhe fajësia e grave

17:07 Bota

Zgjedhjet e reja më 12 dhjetor: Konservatorët britanikë kryesojnë në sondazhe

16:36 Bota

A ka sens të paguhen njerëzit që të bëjnë fëmijë? Nga “fëmija 10 mijë eurosh” i Finlandës te testi interesant i Bolzanos në Itali

21:30 Bota

Belgjika me kryeministre femër për herë të parë në histori? Ja kush është Sophie Wilmes

21:15 Bota