Te fundit
Neutralizimi i një bombe të Luftës së dytë Botërore, evakuohet gjysma e banorëve të Brindisit
15 Dhjetor 2019, 13:00Bota
TEMA
Rreth 54 000 persona, më shumë se gjysma e popullsisës së qytetit, u evakuan sot në Brindisi, për të mundësuar neutralizimin e një bombe britanike që datonte që prej vitit 1941, operacioni më i madh i këtij lloji në Itali që prej përfundimit të luftës, sipas medias.
“Bomba me një gjatësi prej një metër dhe më shumë se 200 kilogramë, u gjend më 2 nëntor gjatë punimeve për restaurimin e një salle kinemaje”, shkruan e përditshmja “La Repubblica”.
Në një rreze prej më shumë se 1,5 kilometra rreth vendit ku u gjend bomba, e gjithë popullsia është dashur të evakuohet dhe në një rreze më të kufizuar, prej 500 metrash, gazi është ndërprerë. Gjatë kohës punimeve trafiku ajror dhe linjat e trenave do të ndërpriten gjithashtu në këtë zonë.
Më shumë se 1 000 anëtarë të forcave të sigurisë dhe 250 vullnetarë të Mbrojtjes Civile morën pjesë në këtë operacion.
Sipas agjencisë AGI, evakuimi që përfshin pothuajse më shumë se gjysmën e popullsisë së këtij qyteti prej rreth 87 000 banorë filloi dje, me transferimin e 217 të burgosurve nga burgu lokal drejt burgjeve të tjera.
Operacioni do të përfundojë në mesditë, sipas zyrtarëve lokalë.
Lini një Përgjigje
Më të lexuarat
24 oret e fundit
Javen e fundit
Blog Tema
