Te fundit
RAPORTI: Shqipëria, “parajsë” për femrat
17 Dhjetor 2019, 21:21Sociale
TEMA
Shqipëria është një prej vendeve më të barabarta në botë, sa i përket barazisë gjinore. Forumi Ekonomik Botëror (WEF) ka publikuar raportin e hendekut gjinor 2020, një raport vjetor, i cili është më i rëndësishmi në nivel global në drejtim të barazisë gjinore.
Raporti i këtij viti, e rendit vendin tonë të 20-tin mes 153 shteteve, çka përkthehet në një përmirësim me 14 pozicione krahasuar me renditjen e vitit të kaluar, ku renditeshim të 34-tit. Vitin paraardhës renditej e 38-ta dhe në 2006-ën e 61-ta.
Në indeksin e përgjithshëm, pikëzimi i Shqipërisë sinjalizon një nivel barazie gjinore në 76%, ndërkohë që vendi i parë në listë, Islanda e ka në 85%, dhe vendi i fundit, Yemeni, në 49%.
Në krahasim me vendet e tjera të rajonit, Shqipëria është padiskutim e para. Sipas kësaj renditje, të jesh femër në Shqipëri ke një nivel barazie me gjininë tjetër më shumë edhe se në vende si Belgjika, Australia, Portugalia, Shtetet e Bashkuara të Amerikës apo edhe Holanda, sa për të përmendur disa.
Kapërcim galopant kanë bërë edhe dy nën-indikatorët e tjerë mbi të cilët përpilohet indeksi i përgjithshëm, ai i edukimit dhe ai i pjesëmarrjes politike.
Në atë të shëndetit dhe mbijetesës ndërkohë Shqipëria jo vetëm që lë shumë për të dëshiruar por ka bërë edhe ndjeshëm hapa prapa, nga vendi i 134-tët në botë, në të 145-tin sot, pra një prej 8 vendeve me rezultatin më të dobët në botë.
Renditja e dobët në këtë drejtim vjen për shkak të normës së pabarabartë në lindje, mes femrave dhe meshkujve.
Fakti që familjet shqiptare lindin më shumë meshkuj se femra, e vendos vendin tonë të 147-tin në botë, ndër 153 shtete.
Çështja e abortit selektiv dhe “fiksimit” të shqiptarëve me meshkujt është një temë që është ngritur shpeshherë nga organizata të ndryshme ndërkombëtare.
3 komente në “RAPORTI: Shqipëria, “parajsë” për femrat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po te shikosh te gjitha te dhenat nderkombetare, si ne kohen e utopise albaniste te socializmit diktatorial,
ashtu edhe sot ne shkerdhato-demokracine kapitaliste,
Shqiperia radhitet nder vendet e para per deklarimin e te dhenave te rreme, propagandistike…
Ne kemi nje qeveri inekzistente gjoja 50% me 50% meshkuj e femra,
por jeta shteterore ne rang kombetar dominohet nga nje person burre
dhe jeta shteterore lokale dominohet po nga nje burre; te dy ngelen neper ekranet e tv.-ve!
Kam përshtypjen që raporti bazohet në % e përfaqësimit të grave në politikë dhe qeveri dhe këtu kanë të drejtë, por në aspektet e tjera jo. Mungesa e barazisë gjinore është e rrënjosur thellë në kulturën shqiptare, ku si rrjedhojë kemi edhe abortet selektive, pa folur për fusha të tjera si dhuna e lartë ndaj saj si dhe diskriminimi në çdo sferë të jetës.
Per clirimin e femres merita i takon periudhes se socializmit e cila e nxorri vendin NGA mesjeta ne epoken moderne.Natyrisht duke kombinuar forcen,shkollen dhe edukimin.Dhe hapi i pare gjigand u be gjate LNCl kur mbi 7000 vajza dolen partizane dhe qindra dhane jeten .Nderkohe nuk patì nje ballste apo legaliste femer.Natyrisht ndjeshmeria atdhetare e femres shqiptare nuk mind te pranonte te rreshtohej ne krah te okupatorit.